لما يتكرر الغلط؟؟!!

يسعد صباحكم كيف حالكم
بنات قولولي رايكم كيف تتعاملين مع شخص يكرر غلطه
تسامحين هالشخص ع مواقفه تعدينها والحياة تمشي او إنك تعلمينه أن الله حق
معليش مو عارفه ارتب كلامي بقولكم مثال عندي قريبة تربينا من وإحنا صغار كبرنا سوا وتعتبر أقربهم لقلبي بينا مواقف وعشرة طويلة ماكنت اشوفها إلا أخت وأعز بس تصدر منها تصرفات تقهر وأعديها بحكم إنها قريبتي وصديقتي في نفس الوقت تعرف عني كل شي لأنها تنبش وراي وتجيب علومي كلها كنت أشوف هالاشياء عاديه ومن محبه لأنها تظهر لي إني أنا الي يهمني مصلحتك و و
كانت تعرف صديقاتي والأشياء الي تصير بينا وتشاركني في أدق تفاصيلي بتصرفاتها حاولت تفرق بيني وبين صديقاتي
تنصحني بنصايح كلها غلط عشان تفرق بين أي شخص يعزني وتحاول تبعدني عن أي إنسانه من طرفها حتى لو ناس نعرفهم مع بعض لدرجة لو بيدها تحط حاجز حتى مايشوفوني ولا اشوفهم هذا ماناحية علاقاتنا
ألاحظ في اجتماعاتنا ماتحب تجلس معاي بمعنى تتجاهلني تماما ولا كأن تعرفني في مناسبه في اي مكان يجمعنا مع بعض
مع انه ماتزَود عني بشي بمعنى إني أجمل منها واشيك منها إذا جينا ع كذا
وعجزت افهم ليش تسوي كذا وكأنها مبرمجه ع الشي طبعا وقتها اتجاهها تماما واجلس، مع صديقاتي
في موقف صار وهذا الي حاز فيني أكثر وقتها سكتت ومارديت وقلت في نفسي معقوله في وقاحه كذا
فالواقع لما تزورنا تجلس معي أكثر أو بالأصح تنبسط لسوالفي وانا كمان
لكن صدمتني يوم قعدنا نسولف قالت يقولون لي البنات إنك تروحين عشان فلانه
وأنا والله مو جايه ع شانك تقولها بنبرة الي متبريه مني ماعرفت وقتها ايش ارد لأنها كانت تمون
وقلت ارد بأفعالي وخلي بقية اخواتي ينفعونها
يابنات معليش ما اعرف أعبر
وش رايكم كيف اتصرف