لما يضيع الحوار بينك وبين زوجك وأنتي بأمس الحاجه له وش تسوين ؟؟؟

مساء الخير

بنات عندي مشكله بس اول شي أدعولي ان الله يهدي سري انا وزوجي ويهدي النفوس ويصلح حالي انا وياه
لأني بهم الله وحده يعلم به واللــــــــه العظــــــــــــيم اني اكتب ودموعي على خدي أدعولي تعبت بحياتي بشكل ماتتصورنه
6 سنوات صابره ومضغوطه ووحيده بهمي ماحد يدري عني لا صديقه ولا اخت وبنت خالة وبنت عم حتى ام ماتدري عني
بس المشكله انه باين على وجهي اني تعبانه ومو مرتاحه بس لما حد يسألني اقول الحمد الله لأني ما احب ادخل احد بمشاكلي
يمكن وحدتي لها دور يمكن طيبتي لها دور يمكن افكاري احلامي لها دور بس لما اجي للواقع القاه صعب
صبرت على زوجي رغم صغر سني تزوجت وعمري 16 سنه وفرحت وتمنيت حياه مافي احلا منها تمنيت الراحه تمنيت اعيش مع زوجي تمنيت اني اكون ملكة قلبه وحبه الاول والاخير بس انصدمت بزوجي وخيانته لي الي دمرتني بجد الي دمرت احلامي الي دمرت كل شي حلو بحياتي حتى بسمتي تدمرت ومازلت مدمره رغم انه تركها وترك ها الامور بس انا تعبانه منها وانا الي يقهر اني مو سبب بخيانته لانه كان يعرفها قبل اواج واستمر معها بعد الزواج
احساس صعب ما اقدر اوصفه ابد
انا انظلمت كثيييييير سواء قبل الزواج او بعده بس قبل الزواج يمكن كان اهون علي
ويمكن من كثير الظلم الي انظلمته قبل الزواج خلاني اوافق على زواجي بدري رغم معارضه ابوي بس الحمد الله على كل حال
بس كله يهون عن ظلمي بعد زواجي من زوجي
وما انظلمت الي منه من زوجي اقرب الناس لي
اوكي اول ماتزوجت كنت طفله ما افهم شي بالحياة الزوجيه ابد ابد رغم ان في نت في برامج تلفزيون بس ماكنت اتابع ما كنت اهتم كل اهتمامي كنت ابي القى احد يحبني ويحس فيني ويفهمني يفهم انا وش ابي من هالدنيا والله والله والله كل الي ابيه احد يحس فيني بس الحين عمري 21 يعني فاهمه الدنيا اكثر من الناس الي بعمري من الي شفته منه ومن غيره
انا بوادي وزوجي بوادي
حاولت اقرب منه بس هو يبعد ما يبني ادخل لعالمه انتي لك حدود ماتتعدينها هذا هي الكلمه الي اسمعها داااايم منه
ترك الخيانه والحمد الله بس الله اعلم اذا رجع او لا
بنات الي تقولي غيري من شكلك اهتمي بزوجك ما ادري ايش منها هالكلام
انا الحمد مقتنعه بنفسي جدا جدا وهو نفس الشي لو اني ماعجبته كان ما خذني
الي يشوفني ما يقولي انتي سعوديه ابد لأن الماما مو سعوديه الماما لبنانيه وانا ضارب فيني هالعرق ماااااره لدرجه الشقار والحمد الله ماشاء الله
بنات لما زوجك ينكر كل شي سوييته له لما ينكر وقفاتك وصبرك وحبك وحنانك وكل شي انتي قدمتيه له وش تسوين ؟؟؟ لما يقول انتي ما قدمتي شي ؟؟؟ابي افهم هالشي عشان انا اقتنع عشان اعرف ان العيب مو فيني العيب بها الدنيا الي ظلمتني والا واقعي والا زوجي والا تربيتي لها دور بطيبتي والا وش السالفه؟؟؟
لما يضيع الحوار بينك وبين زوجك يعني انتي تبين تشكين له وهو ولاهو هنا انتي تشوفين نفسك مظلمومه وهو نفس الشي يشوف نفسه مظلموم حوار ضايع
كيف تتصرفين كيف تتلكمين كيف تتدافعين عن نفسك وعن كل شي قدمتيه من غير ما يحس انك تمنين عليه؟؟؟
ساعدوني الله يخليكم والله مالي غيركم اشكي له يمكن لاني ما اعرف وحده فيكم ولا وحده تعرفني لأن براسي حكمه
خليها بالقلب تجرح ولا تطلع لبرا تفضح
اسفه طولت عليكم بس والله من الهم الي فيني