لمتبعي رجيم دشتي ===== هديه

السلام عليكم ورحمة الله وبركاته

انا كنت دائما متابعه هالقسم واتبعت اكثر الرجيمات بس للاسف ماكو اراده طبعا اكثر رجيم حبيته ومشى معاي رجيم دشتي بعد الولاده ضعفت عليه من 73 الى 68 بفتره قصيره 10 ايام انا كنت احلم اوصل لل 60 بس خربته الحين بنتي عمرها سنه وما قدرت ارد اسويه دايما اخربه اضعف جدام الخبز والكاكاو الى قبل شهر انفتحت شهيتي على الاخر ما ادري ليش وزاد وزني من 68 الى 72 مره ثانيه :icon33: قررت اسوي الرجيم اليوم السادس بدشتي والحمدالله ضعفت 2 كيلو وفيه شي وايد مساعدني ومريحني الخبز وهذي هديتي لكم خبز الصويا طبعا فيه محلات تسوي خبز وتوست الصويا بس للاسف يضيفون له الطحين العادي جربته مع الرجيم مامشى طبعا اعرف من التحليل الحين صار لي يومين اكل خبز وماشي مع التحليل الخبز انا اسويه بالبيت بس ماضبط معاي الا بعد محاولات فلازم تطولوووون بالكم
المقادير
نص كوب طحين الصويا ==== حصلته بمركز سلطان السالميه
ثلاث ارباع كوب ماء
3 كيري

الطريقه
توضع جميع المقادير بالخلاط وتدهن صينيه الفرن توضع كميه قليله من العجين بالصينيه وتحرك في جميع الاتجاهات الي ان يتكون قرص متوسط الحجم( طبعا لازم يكون قليل السمك بس مو وايد لانه اذا سويته خفيف وايد راح يطلع مثل خبز رقاق )
توضع الصينيه في فرن ساخن ولازم كل اشوي اشوفينه وتحاولين تقلبينه على الوجه الاخر اذا حسيتي انج تقدرين تقلبينه بدون مايتقطع قلبيه وتركيه اشوي لما يستوي الوجه الاخر وبعدين حطي عليه جبن او اي شي تحبينه ورجعيه الفرن اشوي لما يذوب الجبن واكليه بالعافيه انا اكل خبزتين وما اثر
ممكن تحطين حشوه البيتزا بس طولو بالكم علشان يضبط السمك وممكن اول المحاولات تتقطع لما تقلبونها انا ضفت كيري لانه طحين الصويا وايد مالح
وعذروني اذا طولت بالرد