لمتى الرجال متسيطرين على الحريم !

السلام عليكم
اولاً كتبت مواضيع كثيرة يتكلم عن زوجي
لكن الى الان انا مشتته وماني عارفه ايش اسوي
ثانيا
انا انسانه اخاف جدا من كلمة طلاق
تدرون ليه لان بنات اقاربي ولا وحدة متطلقه سواء كبيره او صغيره واتوقع كلهم صابرات ومتحملات في امور زوجيه غير عن اموري
لكن انا وضعي مختلف تماماً
انا فيني قهرررررررررر
ومن هالقهر اللي فيني كارهه زوجي مع ان لي سنتين متزوجه فقط وعندي طفل
وكثير افكر اني اتطلق عشان ارتاح منه بس اتراجع بسرعه لاني جدا اخاف من هالكلمه واخاف اصير مطلقه ونظرة المجتمع تذبح
لا تقولون ماعليك من المجتمع وووو
لا علي ونص انا عايشه مع هالمجتمع واروح واجي وماحب احد يطالعني بنطرة شفقه او استعطاف او ياحرام تطلقت ماحب هالنظرات ابدا وتضعف شخصيتي من مرا لمرا
احب اكون دايماً ايجابيه وفرحانه والناس تاخذ انطباع عني اني مبسوطه
لكن صراحه العكس تماما ماني مبسوطه ابداً
اول شي بقول لكم مواصفات زوجي
صلاته اول باول مع صلاة الضحى والوتر
صيام السنن مايفوتها
بره بامه
اخلاقه اللي عسل مع الناس
والكل يحبه ولا يشوفون منه الا الخير
وبحكم ديونه اللي مكسره ظهره الا انه
نواقص البيت يكملها وخاصه المطبخ اول باول
نواقص ولدي يكملها
صراحه نواقصي انا لااااا يقول ماعندي الا نادر يجيب نواقصي
نجي نتكلم بالشي اللي رافع ضغطي
مانعني من كل البرامج لييييه ؟ لانه يغار
واحيانا صراحه تنقلب للشك ويقعد يحلفني
هو عنده جميع البرامج
وكمان متفاعل فيها كلها
وكذا مرا اشوفه يكلم بنات 😳😳 اول سنه لنا مع بعض
الحين الله اعلم لانه مايترك جواله وحاط رقم سري بكل البرامج
انغبنت من ذي الحركه ومرا تهاوشنا انت ليه تحمل وانا لا
ليه حلال عليك وحرام علي !!
يقول لي اختاري بيني وبين البرامج
والله يستر عليك
انا زوجتي ماتحط هالبرامج ابداً
لا تقولون تتهاوشين معاه عشان برامج
القصه مو كذا ماهمتني البرامج
اللي قاهرني هو ليه يحمل وانا لا !!!


يابنات والله العظيم اذا كلمته عن ذا الموضوع يصير وحش يصير واحد ثاني
يقول عشان ما اظلمك تبين الطلاق الله يستر عليك ؛؛
غبببببببببببنه
وبعضهم يقولون لا تخلين زوجك يتحكم فيك بعدين يمل منك والرجال يحب القويه
وبعضهم يقولون لا خليك طيبه واسمعي كلامه يحبك ومايستغى عنك
انتوا وش رايكم ؟
احس كلامي ملخبط
بس جد تعبت يوم اشوف اخواتي والكل حاطين البرامج وعايشين حياتهم طبيعيه وزينه ماشاء الله
شوروا علي 😩