نفس مشكلتى بس بنتى بالتمهيدي
بنتى اجتماااااااااااااااااااااااااعيه ماشاء الله عليها
تحب الاطفال
بس مادري ليش مايحبوها؟؟؟

لاحول ولاقوة إلا بالله

هذا الموضوع الثاني إللي أدخله اليوم ويتكلم عن نفس الشيء :(

الله المستعان مدري وش صار في الطفولة !

الله يسخر لبنتك بس زي ماقالوا الأخوات أنا أشوف بعض طالبات المدارس

الأهلية دلوعات وشوفة حال وحركات غبية

دام بنتك عاجبها نظام المدرسة خليها تبدع في دروسها ولا تدقق في صداقتهم

وبالنسبه للي طق بنتك عسى يدها الكسر إن شاالله<<<عصبت من جد!

خليها تشهد عليها بنات وتشتكي بوقتها للمديرة لاتعوديها إنتي تحلي مشاكلها دوم

خلي شخصيتها تكون قوية وماحد يستضعفها

اشراقة أنثى حبيبتي الله يعطيك العافيه ..بالضبط هذا الي ابيه انها تعتمد على نفسها وتحل مشاكلها خاصه أني جربت اروح وتكلمت مع المدرسه مع ذالك تتشكى بنتي ولا عاجبني الوضع كلما شكت لي اروح وأدافع عنها أبيها هي الي تعرف تتصرف لكنها مسكينه تستحي مرره ولا تحب تفشل احد واذا احد زعل منها تراضيه كاسره خاطري صار لها فتره تقولي اروح وأعصر على البنت لكني اقول لها كلمي المدرسه بينك وبينها عشان تحل لك المشكله والاحظ ان مشاكلها مع البنات يأثر على شخصيتها فتصير اكثر انطوائيه وعزله وحتى اثناء شرح المدرسه تكون سرحانه على كلام ابلتها لانها مو مرتاحه وهي حساسه جداً

انا كنت معلمة وكنت اشوف هالحركات من البنات يكرهون بنت بعينها لدرجة انها مايرضون يصفون بالطابور معها

وكنت اتعب معهم ابغاهم يتقبلون بعض بس مافي فايدة

اكتشفت الاسباب

احيانا تكون البنت دايم المعلمة تهاوشها وضعيف مستواها

او البنت تسرق منهم

او ابالفصل وحدة قوية والبنت يجتمعون حوله وطبعا القوية دايم تدرور وحده من الضعيفات علشان تفرض شخصيتها عليها وزيادة كل اللي حولها يقلدونها علشان يرضونها

او تكون البنت اجنبية

او غير مرتبه وغير مهندمة

او عندها اشياء مميزة ولاتعطيهم مثل اقلام الوان وهكذا

او دفشة باللعب

طبعا كل هذه الاشياء ماتقدر المعلمة تقضي عليها وبصعوبة تكتشفها

لانها بين الطالبات انفسهم

وافضل حل تكتشفين ليه هم يكرهونهم وتحاولين تعالجين المشكلة من بنتك نفسها ياما شفت بنات يجيبون هدايا علشان يرضون الباقي ويخذونهم هدايهم ويتهاوشون معهم

افضل حل اكتشاف المشكلة وتغير هالشي ببنتك

انا كنت اقول لبنت لمن تقولي لي مايحبوني قولي لهم مب لازم تحبوني عندي ام وابو يحبوني وشفت البنت صارت واثقة من نفسها اكثر

وذكر في طالبة كانت اجنبية وكنت اشوف كيف يعاملونها البنات والله لو كنت مكانها كنت ابترك المدرسة

تخيلي لدرجة مايحبون يجلسون على كرسيها ويقولون للي تجلس فيها بوه شوفوا جلست بكرسي الاء

تخيلي

واللي يمر من عندها يتقرف مع انها مؤدبة وشاطرة وكنت كذا اشوفها

غير انها ابدا ابدا ماتهتم باللي يقولون والله ولاكانهم يقولون شي

لحد مااكتشفت انها كانت تسرق منهم وتنكر انها سرقة لدرجة كانت تسرق حبات البطاطس

واستغربت مدى ثقتها بننفسها قلت لو وحدة من بناتنا يكرهونها البنات اقسم بالله سوت مناحه

هذه ابدا ابدا مايهمها بشكل فضييييييييييييييييييييييييييييييييييييع

لا بالطابور يوقفون معها ولا باللعب يلعبون معها ولا حتي لمن تشارك يشجعونها وهي ولالالالالالالالالالالاهمها اهم شي المعلمة راضيه علي

طبعا كل هذا وهي باولى ابتدائي

انا اقصد ليه بناتنا غير واثقات من انفسهم لازم نزرع هذا الشي فيهم

وبنتك لو كانت مشكلتها ان في شلة تستقوي عليها انا مااشوف الا تنقلينها لان هالشله بتصير وراها وراها ويمكن يزيدون لو كلمتيهم

الله يعطيك الف عافيه حبيبتي ..نفسي اعرف سبب الكره للعلم بان بنتي مؤدبه وجميله ماشاء الله ومرتبه وأغراضها دايم من افضل شي عشان لاتحس باي نقص المشكله ان بنتي السنه الماضيه كانت الطالبات غير وبعد كانت تعاني وبالذات من وحده مستقويه عليهم وفارضه شخصيتها مع ان هالبنت اقل مستوى من بنتي ومن بعض البنات سواء بالشكل او بالترتيب وفوق هذا مش شاطره ابد وبنتي فرق بينها وبين هالبنت الي مخليه كل البنات حولها والسنه هذي فصلها غير مع ذالك للأسف تتشكى ودايم تقولي مايحبوني ولا عارفه السبب ولو انها مو من النوع الي تدافع عن نفسها ابد تخيلي لما كانت في حكوميه ظلت تتشكى لي من بنت معاها وكل يوم وتشتكي لين مارحت قلت بشوف هالبنت الا تفاجأت ان حجمها مره صغيييير وشكلها بريئه جداً وضعيفه ولا توحي بالشراسه ولا تخوف وبنتي كل يوم تخاف منها لما شفت البنت بدل ما اكلمها وانا مقهورة الا كسرت خاطري وقلت لبنتي هذي الي تخافين منها ؟!!يعني بنتي من النوع الجبان جداً وخويفه مرره حتى معانا تخاف بشكل مو طبيعي انها تروح لغرفه ثانيه مثلا لما نروح في جلسه عائليه ماتقوم ولا تتحرك وتستحي وبالذات ان لقت موقف من طفله تاخذه بحساسيه شديده وترجع تجلس جنبي ماتتحرك وتزعل من اقل شي وهذا لاحظته من وهي صغيره مره تزعل لأتفه الأسباب بنتي مو واثقه من نفسها ابد ولا عارفه كيف أتعامل معاها وخوفي ان بنتي الصغيره الي في الروضه تصير مثلها لانها صارت بعد تخجل مو مثل قبل ..