لمتى هالحاله 😡😭

السلام عليكم ورحمة الله وبركاتة

اتمنى تقبلوني بينكم يااحلى حوائيات

متابعه قديمه بس سجلت جديد.

يابنات بشكي لكم حالي وابي مشوره 😭😭

انا متزوجه من سنتين وعندي ولد

من اول ماتزوجت للان وحالتنا الماديه من زفت لأزفت ديون بديون وكل شهر نفس الموال الراتب يطير

يجي يوم ٢٧ والله يابنات يقولي مامعي ولاريال

زوجي من النوع اللي يصرف كل اللي بجيبته بساعه عادي

وانا اعرفه كويس ماعنده خرابيط وحرام عشان فلوسه تروح عليهم

مع ان راتبه نقول الحمدالله ٦ الاف والبيت ملك يسحبو اقصاد الفين كل شهر والباقي يطير ديون

انا طالبه بجامعه اهليه ومااخذ لاحافز ولا مكافئه وماادفع لاني منحه

البلا اني حتى مصروف مااخذ منه لان اذا معه مايقصر معي اي شي اطلبه يجيبه لي قلت بلاش مصروف

اللي خلاني انفجر اني من سنتين ساكته وصابره واساعده بس اليوم انفجرت عليه وبنفجر هنا لان الشهر هاذا مافي مقاضي ولاحتى حليب لولده ولا الاشياء اللي ناقصتنا وفوق كل هاذا اليوم مامعه ولاريال

اليوم قلت له يلا علمني وين راح الراتب وانا وولدك وبيتك ماشفنا منه ريال

بنات جلس يعدد لي ديون الشهر اللي راح وكذا خلصت الفلوس الحين الشهر هاذا شغلته يتسلف من الخلق على اشياء تسوى واشياء ماتسوى لدرجه يعزم خويه بالبر ويجيب خروف بالدين ويعشيهم وعادي احنا نطفر بعدين

مننجد انا صبرت وقلت اول سنه بالزواج كذا ومرت سنه والثانيه وداخلين الحين بالثالثه ولاحياة لمن تنادي

طبعا نسيت اقولكم على الطفره هاذي مافي سفرات ولا تمشيات ولا حتى نلف بالسياره نشتري كوفي

انا تعبت وعصبت عليه بس ابغى حل ابي الميزانيه تتضبط لما نحتاج نلاقي معنا مو نتشحد الخلق

صح نسيت اقولكم هو دوامه شفتات يطلع له ايام كثيره اجازه يستغلها يكد بسيارته يودي مشاوير برا ب٢٠٠ و ٣٠٠
بس الفلوس اللي يطلعها هاذي تطير بيوم وربي واقولكم اغلبها يخلصها عليه وعلى اصحابه يعشيهن ويمشيهم وانا مو فالح غير يقول بوجهي مامعي

ياريت تعطوني رايكم ايش الحل 😭😭