لمتى هذا الحال والله طقينا وانتو ما طقيتو ؟؟

بنات كيفكم ايش اخباركم

عندي موضوع ابغاكم تشاركوني فيه بالاحرى حاله مصتعصيه
مو بس عندي اشوفها في كل بيت ومع كل زوجه
اكيد بتعرفوها وبتقولو اييييييييييييييييييييييه
الا وهي طلعات الزوج مع اصحابه كل يوم وعشقه لهم واخلاصه للاجتماع معهم
انا ياناس كان زوجي له طلعات في الاسبوع مرتين ثلاث
دحين كل يوم
يجي من العمل يتغدا ينسدح قدام التلفزيون لين العصر يقوم يطلع للصلاه وعلى الشله لحد المغرب واحيانا العشاء
يرجع طوالي على الانسداح تحت التلفزيون ومواصلة البحلقه فيه
بعدها يتعشى وينام
ويني انا في القائمه مش موجوده
واحيانا يكون مرهق وتعبان بس يدق عليه واحد من اصحابه يصير زي الحمامه
وعندي ساكت مشغول بالتلفزيون اكلمه يسمع شئ وشئ
تزينا لبسنا كشخنا سوينا اثارة وحركات ضحكنا جبنا سوالف
طبخنا تدللنا ترجينا بكينا صرخنا طنشنا والله انهلكنا

والعجيب اني فكرت نفسي وحدي في عالمي
ولمن اكلم غيري الاقيهم زي حالي واكثر والله حاله
اشبهم الرجال طايرين من حريمهم

ياترى انتي زوجك كذا طيب ايش تسوي تسكتي ولا تجادلي
وايش الطبيعي انه يكون زوجك شريكك ولا يكون لكل واحد عالم
صرت اتمنى اكون بدوله اجنبيه عشان لمن يطلع اطلع انا كمان مع صحباتي
الا ما اقابلهم الا بالشهر ومرات بالغلط بالاسبوع

والله العظيم صار يمر علي ايام اهلوس من كثر الوحده

احيانا احس بقهر وارغب اني انتقم واتمنى يحصل شئ لجلستهم ولمن يجي يقولي وهذا نادرا عن شئ خرب قعدتهم افرح واشمت فيه جواتي طبعا

ايش تفضلو ازواجكم يطلعو دايما ولا نادرا
بصراحه احيانا اقول احسن انه يطلع اصلا وجوده بالبيت مو شئ
ولمن يطلع انقهر ليش ما يبسطني ويسولف زي ما يسوي مع اصحابه
والله اعلم بسواليفهم مالهم الا فلانه وعلانه وذي حلوة وذي وع
ومن تزوج مسيار ومين سافر برا
والحريم والحريم ياااااااااااااااااااااا قهري منهم

نفسي احد يسوي قانون منع الاجتماعات الشبابيه ويجلسوهم بالبيت:hahaha:

هاه ايشششششششششششش رايكم طفو ناري وقهري