لمتى وانا كذا😔

السلام عليكم🙌
بدخل ف الموضع ع طول يابنات انا مقهوره من نفسي يعني لمتى وانا كذا 😭
انا كنت انطوائيه من عمري 10 سنين تقريبا الحين تغيرت بس ماقدر اتاقلم مع الناس خاصه اذا ناس جدد او علاقتي فيهم رسميه اصير اتجنبهم واتهرب
عندي شله لثنتين من زميلاتي وصديقاتهم قالت لي وحده منهم اجلس معهم اكثر من مره وقلت لها طيب ومارتحت ومعد جلست ماسوو لي شي بس لما اجلس معهم اجلس ساكته ومرتبكه وحتى اذا تكلمت احس كلامي سخيف ومو مرتب وكاني طفله تتكلم مارتاح اتكلم بكلام متسلسل وطويل ارتبك وانسى واحيانا مدري وش اقول و يجيني احساس بااني سخيفه والله مو ناقصني شي لكن عجزت من نفسي
انا طالبة تمريض ورح اروح المستشفى تدريب وخااايفه😐لازم اتعامل مع المرضى و اتحاور مع الدكاتره وافهم كل شي بس كيف وانا كذا
مو المشكله ان ماعندي سوالف المشكله اني احس بعجز لما ابغ اتكلم او اعبر عن نفسي واتردد واحس اني مدري وش اقول واذا تكلمت احس كلامي طفولي وسخيف واخاف من ردة فعل الناس وكلامهم عني اللي يقهر اني اشوف اللي بعمري عايشين حياتهم وانا اتفرج 👀
انا بالرسايل ممتازه وثرثااارة بس وجها لوجه اضيع و مدري وش اقول و بويش اسولف وكيف اتصرف حتى حركات جسمي تبين اني مرتبكه و مو واثقه
ابغ اصير واثقه بنفسي و بحركاتي وبسوالفي و تصرفاتي و اتعامل بثقه مع اللي اعرفهم واللي مااعرفهم بس عجزت😭😭