لمجربات الرضاعة الطبيعية؟؟؟؟

انا نفسج كنت مستحية.. وأخذت غرفتين عشان آخذ راحتي بالرضاعة والنوم و علشان ابعد الورد من غرفتي عشان ما يصير حساسية للبيبي.. و أهل زوجي و أهلى كانوا بالغرفة الثانية لاستقبال الضيوف...انا قعدت يومين بس...أو استخدمي الستارة الحاجبة اللي تكون في غرفة الدكتورة اذا ما تريدين تاخذين غرفتين و بتطولين في القعدة.. تروحين ورا الحاجب لما تريدين ترضعين و يكون وراء الحاجب كرسي مريح أو سريرج... والله يسهل عليج... بس لا تستحين انج تطلبين مساعدة الممرضات المتخصصات في الرضاعة الطبيعية اذا واجهتج اي مشكلة او ما طاع الطفل ياخذ صدرج.. و ابدي من الحين تقوين حلمات الصدر حق الرضاعة عشان ما تتألمين بعدين.. أي كريم لانولين الخاص بالرضاعة من الصيديلية تدهنين فيه الحلمة و تفركينها 5 دقايق 4 مرات باليوم... و الله يسهل عليج الولادة و تنجحين بالرضاعة الطبيعية.. و نصيحة من أخت.. لا تعطين الياهل اي مرضعة او لهاية قبل ما يكمل 6 أسابيع.. لانه بيأثر على طريقة رضاعته و يمكن يرفض الصدر نهائيا و يستسهل الرضاعة من زجاجة الحليب.. و حليبج تراه ما بينزل الا رابع أو خامس يوم من الولادة و اول الايام بينزل مادة صفراء تحتوي على مضادات حيوية يحتاجها الطفل وهي أغلى شي تعطينه لطفلج... لا تفكرين انه بيجوع لان الله خالقه وهو جاهز و مخزن مواد دهنية تعطيه طاقة لمدة اسبوعين.. و المهم انج ترضعينه من 8 الى 10 مرات يوميا.. كل ساعة و نص الى ساعتين بالنهار و كل 3 الى 4 ساعات بالليل عشان يحفز عندج هرمون الحليب و ينزل الحليب بسرعة..كل رضعة تاخذ 20 الى 45 دقيقة.. لا تخلينه ينام و يفوت الرضعات بالنهار.. لانج بتتعبين بالليل.. لا تسحبين الطفل سحب من الصدر.. بالعكس حطي طرف اصبعج الصغير في طرف الفم عنده لين ما تحسين انه فك الحلمة و تقدرين تسحبينها من فمه بسهولة.. عشان ما يصير عندج الم و تقرحات.. وأي اسئلة انا حاضرة .. راسليني على الخاص...

لا تحاتين
وان شالله خير
انا من يوم اجيب البيبي يكون معاي بالشنطه ( جلال ) >> مادري شتسمونه
البسه وارضع البيبي واطل عليه اذا احتجت بروحي من فوووق
وعيالي كلهم بنفس الطريقه
ما احب اطلع صدري ابداااااااااااااااااااااااا
ولله الحمد
واهنئك على الستر اختي

اذا كنت بمستشفى اهلي لا ترضعينه الا اذا راحوا ضيوفك وبعدين افضل للطفل يكون بالحضانه من وجوده مع الناس

طبيعي جدا انك تستحين
والله انا ندمت اني احيانا اذا رحت عند ضيوف اهمل ولدي عشان ماابغى اطلع صدري
بس لو اني ذكيه كان اخذت لي غطا او طرحه وغطيت نفسي ورضعته
يعني غطي صدرك وولدك بالطرحه وخليه لك مفتوح شوي عشان تشوفين البيبي
واذا كنت بترضعين لا تتكلمين مع احد ورضعي البيبي وخلصي بعدين كملي سوالف


ويا عمري فيه غطاء خاص للرضاعه ان شاء الله تحصلينه في المحلات الخاصه بالحمل
او مذركير
تلبسينه ويغطيك وترضعين على راحتك
وهذي صوره حصللتها في موقع عشان تفهمين قصدي


او




مررررررره مريحه

ان شاء الله اكون افدتك والله يسهل لك ان شاء الله

هذا الغطاء انا شارية منه وايد حلو و عملي.. ومن مميزاته انه له فتحة من فوق وحتى لو شده طفلج ما ينزل عنج و ما تنكشفين.. و حجمه كبير يعني تقدرين ترضعين طفلج بوضعيات مختلفه و حتى يوصل سنه فوق عمر السنة.. ومنه الوان مختلفه و ينباع في الانترنت و أسمه Nursing Cover من شركة Bebe Au Lait وسعره 130تقريبا درهم للواحد بدون التوصيل و اعتقد سعره معقول اذا كنتي بترضعين طفلج رضاعة طبيعية في كل مكان تروحين له .. يعني بتستخدمينه على طول... شوفوا شكله ..اتمنى انه يعجبكم..