مشكورة ياقلبي الموضوووع روعة خاصة اني من عاشقات احواض السمك:26:

انا عندي حوضين سمك .. ومن تجربتي بعطيكم النصايح ..

أحسن أنواع أحواض هي البلاستيكية أو الألمنيوم (الخشب مره مقرف ويجمع عفن مع الموية بيتعبك بالتنظيف) ..

أحلى انواع صخور هي الطبيعية (مو الملونة اللي كأنها بلاستيك) اللي تجي درجات الابيض والبني والرمادي .. تعطي للحوض منظر كأنه بحر طبيعي (خصوصا اذا كان كبير) ..

النباتات الطبيعية تعطي منظر خياااااالي للحوض خصوصا اذا اهتميتي فيها بتتكاثر وبتترس الحوض زرع (بس لازم يكون نوع السمك مناسب للنباتات ولا بياكلهم) ..

أحسن نوع سمك زبال هي الذهبية منظرها جميل (مو زي السوده بشعه) ..

أرقى أسماك هي الدسكاس (مره غالية .. الصغيرة بمية وخمسين والكبيرة توصل لـ600) .. بس يبغالها عناية وإهتمام فائق .. ولا بتموت .. بس ألوانها عجيبة وتخليك تتعلقين فيها .. تاكل من يدي الاكل واذا قربت من الحوض تقرب لي .. واذا جاني احد غريب يتغير لونها وتستخبى بين الزرع (تكون خايفة) ..

أسهل أنواع الاسماك (من ناحية التربية والعيش) هي الانجل, والبلاك قوست, والباروت (يعني الببغاء ..اللي قلتو انه متوحش) ..

أسوء أنواع الاسماك .. الجولد فيش .. يوصخ الحوض بسررررررررعة وأشكالهم عادية ..

الاضاءة .. في النيون الابيض والازرق والوردي .. طبعا على حسب نوع السمك والنباتات اللي عندك تحطين الاضاءة ..

الخشب .. في انواع اسماك لازم تحطين معاها جذع شجرة (طبعا تجيبينها من محل الحيوانات لانها شجرة من نهر) وقبل ما تحطينها تنقعينها يومين بموية إلى أن ينزل منها كل الشوائب وبعدين تحطينها بالحوض ..

أنا ما أحب الالعاب بالحوض .. لأنها تجمع الوصخ .. اذا تحبين تقدرين تحطين من النوع الكبير أو تحف مافيها تعقيد .. لانك كل ما قللتي من الحوسة كل ما وضحوا السمك وطلع الحوض أجمل ..

خلفية الحوض اللي فيها صور تخربه .. الحين أحسن تخلينه بدون خلفيه أو خلفية سوداء أو تركبين له صخر كبير ..

انا اوكل الاسماك يوميا بس بمقدار بسيط .. دود وربيان وفليك وعيدان وحبوب (كل نوع سمك له غذائه) ..

احسن نوع فلتر هو الارضي .. ما يحتاج تنظيف ..

انظف الحوض مره كل اسبوعين بس استخدم جهاز يشفط الموية بواسطة لي للبالوعة (لان الاحواض كبيرة وما ينفع افرغها بشكل يدوي) .. بـــــــــــــــــــــــس لازم ما تفرغين الحوض تماما لان السمك كذا بيموت .. المفروض تبقين على الاقل ربع الموية لان في بكتيريا الاسماك عايشه عليها ..

طبعا لازم تكون درجة حرارة الحوض مناسبة لنوع السمك ولا بيموتون .. وتتاكدين من نسبة ثاني اكسيد الكربون والهيدروجين والنيتروجين من فترة لفترة ..

عموما .. السمك متعب .. يعني يبغاله أحد فاضي ورايق .. لان العناية فيه تاخذ وقت ومال .. ولا بيموت بعد فترة .. انا الحمدلله عندي حوض صار له سنتين والاسماك كبرت وما ماتوا والثاني اشتريته من 6 شهور تقريبا وزوجي وده بحوض ثالث (لانه مو هو اللي يتعب فيهم) ..

واللي عندها أي سؤال أنا حاضرة بس يمكن ما أرد على طول لاني بنسى ادخل الموضوع (مع ثقل الحمل) .. الافضل اذا سؤال مستعجل على الخاص ..

يعطيك العافيه

السلام عليكم حبيت اسال سؤال انا عندي حوض سمك والماء الذي فيه بسرعة يتغير لونه يعني لازم كل يومين ابدل الماء لانه لونه يصير وردي وغير صافي هل هذا طبيعي

مشكوره روعه روعه روعه