اذا كان يبلل 6 حفاظات في اليوم على الاقل...اذا كان ينام...اذا لما يكون صاحي يكون نشيط

طيب ودي أرضع طبيعي اشرب مويه كثير
اكل حلاوه طحينية تبوله شوربة بس ماحس صدري يدر كثير للاسف لان ولدي مايشبعه احس الحليب قليل وهل لازم تنظيم للوقت

بنات...قرات مواضيع كثيره اوروبيه وامريكيه لزيادة الحليب..بالاضافه للاعشاب والمويه والحلبه فيه طريقه ثانيه...
تجي للطفل فترات اسمها قفزات او طفرات النمو على 3 اسابيع.3شهور.6شهور وهكذا.. سووا بحث في قوقل عن قفزات النمو للرضيع....المهم...خلال هذه الفتره اللي هي تكون من يوم يومين لاسبوع..تحسي الرضيع مايشبع ...بس يبغى يرضع كل ساعه واقل من ساعه...سبحان الله عشان يرسل اشارات للمخ يزيد من حليب الصدر للفتره القادمه من حياته..
طيب من هذا المنطلق هم طلعوا بفكره سموها power pump او cluster pump...الفكره منها انك تفضي صدرك حتى من القطرات على فترات متقاربه طبعا بالشفاط ويفضل لو يكون كهربائي. ..لمدة ساعه اول 20-15دقيقه تفضي الصدر...10 دقايق راحه..10دقايق شفط....10دقايق راحه ...10 دقايق شفط..المفروض ساعه وتقدرين تخليها اكثر...على الاقل مره في اليوم وتقدرين تسوينها اكثر من مره....ويفضل كل يوم في نفس الموعد...
نتيجتها غالبا بعد يومين او 3 من الشفط وممكن بعد اسبوع...اهم شي الاستمرار..ولما يزيد مستوى الحليب للي يرضيك تقدرين توقفين وترجعين لنظامك العادي
بعدها اللي يساعد انه حليبك يستمر كثير بعد كل رضعه اشفطي او اعصري صدرك عشان حتى النقط القليله تخرج والمخ يرسل اشارات يكون حليب اسرع واكثر
للامانه انا اخذ حلبه علطول واعشاب مدره وشوفان. ومويه وعصيرات طول اليوم.. .كانت كمية الحليب مستقره بس بعد هذه الطريقه بالاضافه للاعشاب الحمدلله الحليب احس انه زاد ولله الحمد والنتيجه ما بانت الا بعد 4 ايام
وانا عندي شفاط مديلا سوينق المفرد...كنت اشفط 10 دقايق يمين و10 دقايق يسار وهكذا لمدة ساعه من غير راحه...واحيانا اريح دقيقتين ثلاث ما بينهم.


صح وفيه وحده اجنبيه جربت طريقه انها مثلا تشفط 30 دقيقه كل صدر 15 دقيقه...تريح 30 دقيقه...ترجع تشفط 30 دقيقه
وتريح 30 دقيقه ..وهكذا لمدة ساعتين او 3 ...وجابت معها نتيجه
في الاخير اهم شي انك تشفطين ..مش مهم الكميه اللي شفطيها ابدا...لا ويقولك اثناء الشفط تحاول يكون البيبي عندك او شي من ريحته عشان صدرك يحن وتخيلي نفسك تحت شلال من الحليب

كل المدرات اللي ناخذها تساعد للادرار مش التصنيع..هناك فرق
عشان التصنيع يزيد لازم تزيدي الطلب على الحليب وهو يكون بافراغ الصدر بالكامل بشكل مستمر
جربوا وقولولي ايش يصير معاكم ..حاولوا تسووها في الليل بعد ما تنومين طفلك اشتغلي ..وحتى لو صحي الطفل وانت تشفطين وقفي الشفط ورضعيه من صدرك...سبحان الله الصدر شغال يكون حليب 24 ساعه ما يوقف الا اذا كان مليان وما تفرغ...فما تخافين انه صدرك فاضي من الشفط والطفل ما راح يلاقي شي...اذا كنتي شفطي اليمين اعطي ولدك اليسار ...لو ولدك كان من الاطفال اللي يحبوا الاندفاع السريع للحليب ..اعطيه الحليب المشفوط
بس عشان ما تتحطي في هذا الموقف....رضعي ولدك رضعه كامله ونوميه..بعدها ابداي 10 دقايق شفط و10 دقايق راحه وهكذا لمده ساعه....

ما اصدق....عندنا في السعوديه مركز للرضاعه الطبيعيه واستشاريين رضاعه 😀...
اتصلوا على رقم 0126655225 واسمعوا الكلام المسجل راح يوصل ل اضغط رقم 4 ل مركز بدايه للرضاعه واطلبوا تكلموا أخصائية الرضاعه الطبيعيه
وممكن حتى تعطيك رقمها التابع للشركه تكلميها واتس في اوقات الدوام