السلام عليكم ورحمة الله
كيفكم أن شاء الله كلكم باتم الصحه والعافيه ياااارب
حبيباتي أنا والعياذبالله من كلمة أنا من محبين الزراعه وكل شي أجرب زراعته شي يزبط وشي لا
والحمد لله عندي حوش وازرع زي ماقلت لكم كل بذره أشوفها من الفواكه والخضار وأن شاء الله أنزل لكم صور بعدين ..
رغم جو مدينة جده الذ لايساعد على الزراعه اللهم أنواع بسيطه الي زبطت معانا
وانصح بزراعتها مثل الليمون ماشاء الله والمنقى والقشطه والموز ...والملوخيه يوم أمس تغدينا منها من حوشنا :27:
والايام هذي بعد أن بدا الحر يخف أنصح بزراعة الكزبره والنعناع والشاي الاخضر والجرجير والفجل والباميه والطماطم
هذي كلها جربت زراعتها وماشاء الله بس المشكله الورقيات في الحر تموت ماتتحمل خاصه هذي السنه كانت درجة الحراره شديده
المهم من حبي في الزرع ماكفاني الحوش جربت زرعت بعض النباتات في البيت
اولا شفت مره موضوع الزراعه في أواني زجاجيه ومره دخل مزاجي الشكل روعه وشي يجنن أنك تراقبي نموالزرع في البيت والاطفال كذالك ينبسطو وكل يوم يراقبو نموها
الطريقه جبت قزازه وحطيت في اسفلها أحجار كبار شويه كنت شاريتها من زمان من إيكيا الله المستعان حتى الحجاره باعوها ولقيو ناس تشتريها ...ممكن تجيبي من أي مكان مولازم تشتريها
بعدين حطيت شويه حجاره بس أصغر كانت عندي حقت حوض السمك بعدين جبت تربه زراعيه من المشتل
وعبيت الحوض وحطيت حب من الاكل حق طيور الببغا وممكن ينحط اي نوع ثاني من الحبوب والنتيجه روووووووووعه وبسرعه طلع يمكن ثالث يوم بدا ماشاء الله
وشوفو الصوره
زرعت في الحوض المستطيل حب الرشاد بس لسى ماطلع
وهذي النتيجه الرائعه ...عمرها تقريبا خمسيه أيام .....الله يطول بعمرها هههههه من جد أحبها
يتبع الرجاء عدم الرد واذا يدك تاكلك مستعجله براحتك هههههه >>>>>تخاف تخرجو ماتعودو تردو هههههه
