ضغطي مرفوع كتبت الموضوع كامل بالصور وانمسح
يلا مش مشكلة نعيده
الطبقين هذولا مادري قد احد نزلهم قبل كذا او لا عموما بنزلهم لكم وان شاءالله يعجبوكم
دجاج 65
الطبق هذا لعشاق الحاااااااااار اما الي عندهم مشكلة بالمعدة ومايقبلون الحرارة ابدا لايقربوه
نجيب دجاجة مخلية من العظم والجلد ونقطعها قطع متوسطة لانا راح نقليها
على فكرة ترى انا مالتزم بمقادير معينة كله على حسب الاقتناع
نجيب الدجاج المقطع ونضيف عليه نشا وبيضه وملح وملح اجيني موتو وبهارات هنديه وزنجبيل مبشور
ونخلطهم سوا
بعدها نقليهم بالزيت يكون غزير وحامي
بعدها لما ينضج نشيله ونصفيه ونتركه على جنب
نسوي الحين الصوص
نجيب مقلى ونحط شوي زيت ونحط بهارات حبوب كمون ـ فلفل اسود ـ كزبرة ناشفة ونقليهم شوي
ونضيف عليهم شوي زنجبيل مبشور وثوم مدقوق وقرون فلقل مقطعة وممكن تحطين صبغة حمراء عشان يعطيك اللون للطبق هذا بس انا ماحطيتها خليت لونه الطبيعي
بعدها نجيب شطة رونديسا
ونضيفها عليهم مع شوي موية وملح وملح اجيني موتو
ونخليها شوي بعدها نضيف قطع الدجاج الي قلينهم
ونخليها تطبخ الى ماتنشف الموية ونتركها على جنب لوقت التقديم
يتبع
طبعا الايام هذه شتا ومو موسم المنجو بس احنا بالبيت مفرزنين كم كرتون من ايام الموسم تعرفون ديرتنا المصدر الاول للمنجو في المملكة ويكثر عندنا في الصيف ونفرزنه للعصير والطبخ
المهم ندخل بالطبخة
اسلقي رز على حسب الكمية الي تحتاجونها
وجيبي المقلى وحطي شوي زيت واضيفي بهرات حب و زنجبيل مبشور وثوم مدقوق وقرون فلفل مقطعة ولوز وحمص انا استخدمت المعلب وبهارات هنديه مطحونة وشوي ملح
وقلي فيهم الى مايتحمرون
وبعدها اضيفي المنجو المبشور على فكرة بالطبخة هذه استخدم الشيف منجو اخضر بس ماعندي حطيت الي حسيتهم شوي جامدين <مايعوقها شي
بعدين افرمي كزبرة خضراء وضيفيها
ياسلام على الريحة تجنن رجعتلي ذكريات الهند
هذا الرز بعد ماسلقته
وهنا اضفته للخلطة
نقلبهم شوي لما يتجانسون وبعدها نقدمهم وبالهناء والشفا
صورة اخيرة للطبقين مع بعض