اهلا حبيباتي لا تفوتكم طريقتي بعمل المفروكة سهلة ولذيذة وعجبت الكل الحمد لله :)
طبعا المفروكة التقليدية تتسوا عالجمر او الصاج بس تاخذ وقت ومتعبة فأخذت طريقة سهلة من قريبتي وطبقتها
بزيادة اضافت من عندي وطلعت رووووووعة :42:
يلا نبطقها سوا :
3اكواب طحين بر (كوبين بر المطاحن+كوب بر محمصة)
3ملاعق حليب بودرة
رشة ملح
فنجان سكر
م.ك خميرة فورية
م.ص باكنج بودر
نص م.ص بيكربونات الصودا
حبة بركة
شومر
رشة هيل
رشة زنجبيل
علبة زبادي
بيضة
زعفران
ربع كاس زيت
كاس ماء
الطريقة:
نخلط المواد الجافة مع بعض ما عدا السكر
ثم نضرب المواد السايلة+السكر بخلاط الكيك ال ان تنفش ثم نضيفها على الطحين ونحركها بملعقة خشب حتى تتجانس
ونضيف لها ماء غير اللي حطيناه اول بس شوي شوي الى ان تصير مثل خليط الكيك ونصبها بصينية تيفال مدهونة
وندخلها الفرن نخبزها ونحمرها من فوق ونخليها تدفى طبعا ما راح تكون نافشة مثل الكيك العادي بتصير ثقيلة شوي
ومتلبدة نوعا ما بس مو مشكلة لاننا بنفتفتها انا فتفتها بشوكة كبيرة وبعض القطع بيدي وممكن تفرمونها اختصار للوقت
بالمونيلكس بس تخلونها خشنة ما تنعمونها بعد كذا تضيفون لها زبدة وفنجانين سكر ورشة هيل وتقلبونها عل نار هادية وتذوقون شوي عشان تعرفون نسبة حلاها اذا كويسة خلاص اما اذا تحتاج سكر تضيفون لها زيادة عموما التحلية على حسب رغباتكم وممكن اضافة عسل او دبس تمر او قطع تمر معبوطة.
بعد التقليب تغطى وتخفض النار تحتها الى ان تسخن كويس وتغرف بحافظة لوقت التقديم وبالعافية
هذا شكلها النهائي ما شاء الله ريحتها تجنن
هذا شكلها من قريب
اللهم صلي على محمد واله وصحبه وسلم تسليما كثيرا
انتظر ردودكم الحلوة :26:
ياالغلا