ابنزل لكم اليوم بتزاء ايطاليه
بعشر دقايق مافيها حوسة
عجن وتصلح للبنوتات الصغار
يتفننون فيها
وبوقت الاجازة خاصة
اللي يسهرون ويحسون بالجوع
ويبدون يتشهون ببرجر او بتزاء
بعدين تتلاشى الاحلام بعد انصدامها
بواقع حوسة المطبخ
ويمكن يطلع الفجر وهي
ماخلصت من اعداد مايسد الجوع
وايضاً تصلح اذا جوك ضيوف فجاءه
او محتاره في عشا لعيالك
او في شهر رمضان
ماطول عليكم
المقادير مع الطريقة لانها ماتحتاج تفصيل
جيبي تورتيلا وضعيه في صينيه
مدهونه بزيت
وادهني الخبز بكاتشب
بعدين ضعي الموجود عندك
من اغراض البتزاء
فلفل اخضر بارد وطماطم
وبصل ابيض مقطعتهم شرايح
وفلفل احمر حار مقطع شرايح
وزيتون شرايح وعلى حسب الرغبه
فطر ومرتديلا او شرايح دجاج
متبله او مشويه
بعض الاحيان باقي دجاج
من الغداء انتفه واحطه على وجه البتزاء
بعدين ادخله الفرن وهو حار شوي
وبعدين اطلع الصينيه
واحط جبن موزريلا وعليه جبن شرايح
وارشه بجبنة بارميزان
وزعتر بري او بهارات ايطاليه
ودخليها الفرن مره ثانيه
لين يذوب الجبن ماياخذ
وقت تقريبا خمس دقايق
واستمتعي بالطعم اللذيذ
ويمكنك ايضا عمل زعتر بالتورتيلا
اما تدهنين التورتيلا بجبن سايل وبعدين تحطين الزعتر وترشينه زيت زيتون
او زعتر بالحاله بدون جبن سايل
ودخليها الفرن
وبصحه وعافيه
وترا الصورة من عشا عيالي
طلعت اي كلام
لاني مافكرت انزلها بالمنتدى
ان شاء ابنزل صوره احسن
