كيفكم ياقمرات
هذي طريقه الكوكيز يجيكي طري من داخل ومقرمش من برى
المقادير:
-شوكولاته عاديه ومره تقريبا المره ثلث كميه العاديه بيعطيكي مراره حلوه
لاتقولون بنستخدم هرشي احب الشوكولاته قطع كبيره
-2كوب شوفان
-كاس ونص دقيق ابيض
-اصبعين زبده بدرجة حرارة الغرفه
-م ص ب ب
-نص م ص بيكربونات الصوديوم
-بيضتين + فانيلا
-كاس سكر ابيض+ربع كاس سكر بني
الطريقه:
-نذوب الشوكولاته بنوعيها بالميكروويف ونخلطها زين
-بعدين نحطها بورق زبده وندخلها الثلاجه مو الفريزر
-اذا جمدت نكسرها بالحجم اللي يعجبنا
-نجي لمكونات الكوكيز :
نخلط السكر والزبده مع بعض بالخلاط
بعدين البيض والفانيلا
وفي الاخير المقادير الجافه
ثم الشوكولاته بالملعقه
ونرصها بالصينيه لاتغلطون غلطتي خلو بينهم مسافه عشان مايلتصقون ببعض
دخليها الفرن وتكونين فاتحته من قبل على حرارة متوسطه
وللاسف مافي صوره بعد مااستوت
جربوها مرره لذيذه