يسعد مساكم صبايا
عملت جريش .. بطريقة الوالده بصراحه لذذذذيذذذ
راح اعطيكم الطريقه ،،،
واول شي اعطيكم الصور ..
~~~~~~~
اول حاجه نقعي الجريش من الليل كاسين جريش ، وانا اللي اقصده الجريش الاحمر
واليوم الثاني ابدي اطبخيه .
في قدر احمسي بصله واضيفي صدور دجاج بس قطعتين
وحركي واضيفي البهارات ، واضيفي بطاطس مقطع مربعات
وجزر مربعات ، وبزاليا شوي .
وبعد ماينحمس اضيفي 4 ملاعق صلصل طماط ، وملعقه كبيره ملح.
واضيفي الماء الى ثلاث ارباع القدر . بعد مايبتدي يفور
اضيفي الجريش المنقوع واتركيه على نار هاديه الى ان يستوي ..
ومع التقديم نضيف له زبده مذوبه .
والففف عافيه