لمحبي الجمبري (الروبيان) المقلي...لكم طريقتي الخاصة....تفضلوا...

مرحبا بنات....

للي تحب الروبيان...هذي طريقتي فيه لما اسويه مقلي وان شاء الله تعجبكم...لانها رهييييبة...

المقادير...

تتبيلة الروبيان...( بعد تنظيف الروبيان اعصري عليه ليمونه+ ملح وبهار+شوي كركم+ثوم مفروم+خل ) ويترك لاكثر من ساعتين..انا اسويه بالليل وبالثلاجة اذا ابغاه غداء...


العجينة...

بالخلاط المولينيكس او فرامة البصل الصغيرة اذا متوفرة..
( بصلة حجم متوسط+بيضة+ملعقة صغيرة ممسوحة بيكنج بودر+كوب طحين اكثر او اقل هذا حسب القوام للعجينة...+ كزبرة طازجة واذا لم تتوفر استبدليها ببقدونس+ ملح وفلفل اسود وبهار) وتخلط الى ان تكون ثخينة شوي...

***********************************************************************
الطريقة....


صفي الروبيان في مصفاة....

اغمسيه اولا بالطحين..بعدين بالخلطة...

ويكون الزيت حااااااااااامي...لما تحطين الروبيان خففي النار عليه عشان ينضج ...وقلبيه لما يتحمر لونه ....

ويقدم مع طبق سلطة مطحونه او خلطة مايونيز او صوص الصويا حسب الرغبة... وبالعافية...





ولي طلب ...للي تسويها تدعوا لي الله يفرج لي ويسهل لي الولادة .....