لمحبي الخير (جمعيه خيرية) في احد محافظات الرياض بحاجه لصدقاتكم

يابنات انا مالي مصلحه ولافايدة من الموضوع غير الدعاء والاجر من رب العامين
وتنميت انكم تشاركوني هالاجر

الموضوع هو باين من العنوان بس راح اكتب التفصيل اكثر

قريبتي في احد محافظات الرياض تعمل في جمعيه خيريه وهي متبرعه للشغل في هالجمعيه من دون مقابل جزاها الله خير هي والعاملين فيها
لهم فتره يجمعون تبرعات من القريبات وهي عباره عن فلوس لشراء دفايات وبطانيات للمحتاجين في هالمنطقة والحمدلله اهل الخير كثير
بس مازالو بحاجه لتبرعاتكم المادية والعينيه

مثل دولاب او غسالات او او دفايات او بطانيات وملابس وعبايت وثلاجات وافران (حتى لو كانت خربانه) لأنهم ياخذونها ويصلحونها على حسابهم وا على حساب الجمعيه اذا فيه امكانيه او حساب احد المتبرعين او من حسابك انتي ياللي تبرعتي بها الشي
والشي الثاني انه لأن الجمعيه في محافظة فأكيد بنحتاج سيارة تنقل هالاغراض اذا كانت كبيرة مثل الثلاجات والافران فاللي بتتبرع اذا تقدر تستأجر سيارة ترسل تبرعها فيه وعلى حسابها جزاها الله خير واذا ماتقدر يكفي انها ترسلها واهل الجمعيه في المنطقة بيدفعون اجارها بس ياليت يكون التبرععات او الاغراض كثيرة عشان مايرسلون كل شوي سيارة على اغراض شويه
يعني ممكن تجمعين تبرعات كثيرة من قرايبك وترسلينها مره وحدة في سياره
والله يابنات انهم بحاجه لدفايات
وغيرهم يتصل يبي فلوس يشتري حليب لأطفالهم الصغار تخيلوا
وبعد فيه ناس يطبخون في علب حليب النيدو
وناس يقولون والله انا نتمنى الريال بس عشان نشتري خبز
تكفون يابنات اللي تشوف انها تقدر لاتقصر ترى مايضيع عنر رب العالمين
ويكفي فرحه هالضعوف وعاويهم
اللي عندها استعداد ترسلي على الخاص وارسلها رقم المسئوله عن تجميع التبرعات وجزاكم الله خير