~*¤ô§ô¤*~ انتي حلم ~*¤ô§ô¤*~
انتظرتك .. عمري كله .. وانتي حلم
ومرت الايام والله .. وانتي حلم..
ليه تأخرتي علي ..
توهي مره واسالي ..
كوني في غير الزمان .. والا في غير المكان
كوني عمري .. عمري كله..
اللي باقي .. واللي كان..
انتظرتك عمري كله .. وانتي حلم ..
كل نجمه شعشعت والقلب عتمه .. كانت انتي ..
كل حرفٍ حرك شفاهي بكلمه .. عنك انتي ..
وكل حبي اللي مضى والحب قسمه .. منك انتي ..
كانوا الاحباب ظلك .. بعض احساسك ونورك ..
ما عرفتك يوم كلك .. ياللي في غيابك حضورك ..
انتظرتك عمري كله .. وانتي حلم ..
هذا إنتي .. قولي والله إنه إنتي ..
وين غبتي ؟! .. عني هذا الوقت كله ..
وين كنتي ؟! ..
شيبت عيني طيوفك .. وما أصدق إني أشوفك ..
ياللي قلبي في كفوفك .. نقش حنا ..
وفي جديلك عطر ورد ..
آتمنى .. لو تكوني في فراغ اعيوني وعنى
وفي سموم ضلوعي برد ..
ليه تأخرتي علي ..
وما طرى لك تسألي ..
ليه نأخرتي علي .. وما طرى لك تسألي ..
إنتظرتك عمري كله عمري كله .. وانتي حلم
~*¤ô§ô¤*~اوراق الزمن ~*¤ô§ô¤*~
ادفن يدي .. تحت الثرى ..
واسقيها من جفني ارق ..
يذبل مابين اصابعي ..
عشب و ورق ..
ادفن يدي .. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن ..
وانام ..
في حلقي الليله جفاف ..
شربت أيامي .. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام ..
كل ما اشد اصابعي ..
على العيون المتعبه ..
جرحٍ ينام .. وجرحٍ شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد .. جاني قصيد ..
ادفن يدي تحت الثرى .. فوق الثرى ..
واعيش انا بباقي يدي ..
نصفٍ يموت .. ونصفٍ درى انه يموت ..
يا سيدي .. ربي انا نقطه فـ بحر ..
علمني كيف اهوى الحياه ..
علمني كيف اهوى القدر ..
علمني بإماني اكون ..
يارب .. اكثر من بشر
وهذه من روائع البدر
الليالي الوضح .. والعتيم الصبح .. بان لي وجه الرياض ..
في الليالي الوضح .. والعتيم الصبح .. لاح لي وجه الرياض ..
في مراياالسحب ..
بكفها فلت جديله من حروف .. وقصة الحنا طويله في الكفوف ..
من نده عطر الرفوف ؟! .. لين صحاه في ثيابك ..
وفي الهـبوب ..
أنثنينا.. ياهبوب النعاس .. والحلم .. ألف غصن من اليباس..
فز.. لاجلك وانثنى .. اكسري الأوهام.. كأس.. والمواجع.. فم..
وان عشقتيني انا..ماأبي من الناس ناس ..
ماعلينا لو طربنا وانتشـينا..
آه ماأرق الرياض تالي الليل..
أنا لو أبي .. خـذتها بيدها.. ومشـينا..
يانصيبي من الصور .. والرسايل ..
ومن كل شمس قايمه .. ومن كل ظل مايل..
يامكاني من البيوت.. ومن الصحاري اللي فرقت فكري.. قبايل..
وين أحـب الليله .. وين أهيم ؟؟
اقبلي مثل ديم .. ومثل نار في هشيم..
في غصون الضي .. من ليل الغضا..
وبين ماخلا النخيل من الفضا.. ومانسى الغيم..
اقبلي .. يابخت لي عيوني من الربيع..
وطل وجهي من الشتا.. ومثل صوتي من الهبوب..
اقبلي مثل الرياض .. من تعاريج الدروب..
في ضلوع الوادي .. وين حبيتك .. قمر ..فوق طين اجدادي..
أرفعي طرقة الشيله عن سـديم..
وكوكب وهـاج .. وأقطعيني بنصل .. طرف سـادر وحجاج ..
شـقـقيني .. يالهبوب العارضيه .. واهـدميني سـياج ..
لين أغني .. الهوى ماهـو خطيه .. آه ماأرق الرياض ..
بدر بن عبدالمحسن
اتمنى تعجبك يالغاليه
~*¤ô§ô¤*~ انتي حلم ~*¤ô§ô¤*~
انتظرتك .. عمري كله .. وانتي حلم
ومرت الايام والله .. وانتي...
وكل قصائد البدر رائعه
وكل كلماته مضئيه
زوجي
يقبل كل القصيد اللا قصايد البدر ماتعجبه كنت ازعل
واحس ان ماعنده ذوق
كييف ماتعجبه!! وهي كلها مشاعر
لما اقراء قصيده للبدر احس اني اذوب بين الحروف
واحسها لي ومكتوبه علشاني
تناغم وسهوله ووضوح وبساطه وغموض بنفس الوقت
مع الوقت عذرت زوجي حقيقه مو كل الناس ترى قصايد البدر كما نراها نحن
حتى لوحاته احسه يرسمها من اعماق روحه وفيها خيال وحقيقه
صدقيني لما اوقف قدام لوحه من لوحاته الفنيه احس بانها قصيده
مشكوره يالبدر لانك اعطيتيني هالفرصه للتمتع بروائع امير الشعر
محبتك في الله على الموضه