لمسات لطيفه تقربك من زوجك

مرحبا ملاييييييييين لكل بنات حواء :26:
مابطول عليكم الرمسه لكن بودي افيدكم من تجاربي في الحياه..
اول لمسه : :arb: وهي اهم شي يا بنات كيف تقومين ريلج للصلاه اذا كان نايم طريقه حلوه وبسيطه واااايد تروحين الحمام تغسلين ايدج بماي بااااااااااااااارد وعلى طول رشي عليها العطر المفضل السكسي عند ريلج وروحيله وحطي ايدج على خدوده بهمسه حلوه قوليله قوم صلى يالغالي شوفي ردة فعله كيف تكون ..:)
اللمسه الثانيه::7_18_2: لا تهملين نفسج تعدلي حق ريلج والبسي احلى الثياب وتعطري بأحلى العطور لان الزوج محتاج لكل هالاشياء بدال ما يروح برع ويدور له على وحده ثانيه.... ليش في بعض البنات ما يهتمون بعمارهم؟؟؟؟؟ خاصه في فترة الحمل تكون البنت كسلانه وتعبانه من الحمل لكن الزوج ما يعرف المعاناه هاي كل اللي يبغيه الجمال الاناقه الريحه الحلوه الهمسات الناعمه والرومانسيه يبغي يحس بالحب صدقوني والله يا بنات اعرف وحده حملت وقامت تهمل عمرها وكله تعبانه ومالها بارض لكن الزوج مل من هاي المعامله قام يلاحظ ان ما في احد يهتم فيه راح وتزوج عليها وحده ثانيه تعرفون ليش لان اهم شي عند الريال ان الحرمه تهتم بنفسها من راسها لين ريولها ...:27:
اللمسه الثالثه: :3_13_11: نظافة البيت او مكان المعيشه كل ما كان البيت نظيف كل ما تقرب ريلج منج اكثر وزادت محبته لزوجته وبيته راح يحس بالراحه النفسيه لدرجة ان ربعه يمكن يفقدونه من كثر ما يقعد بالبيت خلي زاويه مخصصه للسوالف الحلوه وشرب القهوه والشاي اصنعيله كيكه حلوه من اناملج الحلوه ولقميه منها او اي حلاوه هو يحبها ..:)
اللمسه الرابعه::26: وهذي اهم شي خلج قريبه من ربج علشان ربج يكون قريب منج على طول حافظي على صلاتج لا تفوتين فرض والله نصيحه يا بنات ترى الصلاة اهم شي وهي اول ما يحاسب عليها الانسان يوم القيامه وحاولي تتصدقين وتزكين دفاعة بلاء عنج وعن زوجج وعيالج ترى الصدقه محبوبه وايد يوم الجمعه واجرها كبيير عند رب العباد ..
اسمحولي يا بنات طولت عليكم واتمنى تعجبكم هاي اللمسات البسيطه واللي متزوجه نصيحه مني حافظي على زوجج وبيتج دوم ترى الدنيا الحين غدااااااااااااااااااره .. والسموحه:26:
وصدقوني يا بنات ترى الريال ما يهمه البياض بس اللي يهم الزوج المعامله الحلوه والكلمه العسل الريال يبي وحده تهتم فيه وبس ما يبي شي ثاني ..