لمعه لمعه ونعومه نعومه!!!

مرحبا يااحلى بنات بالدنيا
حبيت افيدكم بتجربتي الغريبه <<<كلها اختراعات ذا البنت ترى

قبل فتره وانا اتصفح هالقسم لقيت وحده تتكلم عن فايدة الثوم للشعر الظاهر اسمها ام بدر الله يجزيها خير
بس وانا اقرء الموضوع مافهمت اش تقصد بالطريقه فانا خشيت المطبخ وجلست افكر ايش اخلط الثوم به!!:11: وجتني فكره واخذت الثوم طبعا مهروس وخلطته مع زبادي دافي وجبت نارجيل (جوز الهند مبشور)اللي نحطه على البسبوسه:23: وطحنته بالطحانه حقت البن وخلطته مع الثوم والزبادي وحطيته على شعري وفروة راسي وغطيته لمدة ساعتين اواكثر

طبعا حالة شعري تحزن لانه توه طالع من مجزرة اسمها بلياج قصار باهت ضعيف بدون لمعه

المهم بعدما غسلت شعري <<ريحه شيييييي تذكرها بسلطة الزبادي بالثوم ماتنلام الفاضي يعمل قاضي الزوج مسافر وفكه كل يوم خلطه وتجربه
والله والله يابنات يوم غسلته وجففته اني مو مصدقه ان هذا شعري

لمممممممممعه خياليه من زمااااااان ماشفتها على شعري المسكين
ونعومه غريبه لانها خلت نفس الشعره كأنها مفروده وثقيله

عاااد جربو انتو وقولو النتيجه لي عشان اتأكد من نجاح الاختراع هذا اوكي!!

انا قررت اسويه يوم عن يوم عسى الله يطول شعري اللي كلما انعدم من الصبغه قصيته بوي
حتى البنقالي اللي في الصيدليه صار يعرفني من اول مايشوف خلقتي يطلع الصبغه;) :01: