راجيـة الجنـه :

يوووه ذكرتيني بالذي مضى :icon33: أنا طبعاً تزوجت و أنا عارفه إني بسكن طول عمري خارج السعوديه بحكم جنسية زوجي الخليجيه و أهله اللي عايشين هناك طول حياتهم .. أول ما انخطبت طبعاً زي أي بنت فرحت و استخرت و يوم ارتحت توكلت على الله و تم كل شي على خير الحمدلله و مع ان ملكتي كانت 8 شهور و كنت أحسها طويله بس الحين أتمنى الأيام ترجع و أمددها سنه و سنتين و عشر :44: و أذكر ليلة الزواج ما نمت و رحت أبكي عند أمي و صحيت اخواني و رحت أخمهم واحد واحد و هم نايمين مساكين كل مادخلت غرفة واحد منهم انفجع و يقول وش فيك و اذا خميته و قعدت أشاهق تنزل دميعاتهم يابعد عمري :44: و ما نمت ذيك الليله لين جت 8 الصبح و هزئتني أمي و قالت روحي نامي شوي مايصير كذا بتطيحين علينا .. و أذكر انها سوت لي عصير برتقال ياحبيلها و قالت اشربيه و نامي .. و نمت نومه متقطعه لين الساعه 10 يعني بس ساعتين و مقطعه بعد و بعدها ماقدرت و صحيت .. و رحت غرفة أمي جلست معها و اخواني يودون فستاني و شنطتي حقت الفندق و السفر للفندق و انا اناظر مو مستوعبه :icon33: و الحمدلله تم كل شي على خير ولا بكيت بالزواج اهم شي عشان مايخرب مكياجي :22: بس يوم دخلوا ابوي و اخواني الله يحفظهم خنقتني العببببببببببره بس مسكت نفسي الحمدلله .. و يوم سافرنا لشهر العسل جننت زوجي مسكين كل يوم أجلس أصيح أقول رجعني السعوديه أبي أهلي :hahaha: و هو مسكين مايدري وش يسوي .. و الحين لما أتذكر أقول والله اني غبيه ما انبسطت بشهر عسلي عشان أبي السعوديه كنها بتطير عاد ! و بالبدايه طبعاً صعب صعب صعب اني ماكنت اشوف اهلي الا كل 3 او 4 او 5 شهور بس الحين الحمدلله بديت اتعود شوي :) سامحيني ابلشتك بقصة حياتي :22: بس عجبني موضوعك :26:

يوووه ذكرتيني بالذي مضى :icon33: أنا طبعاً تزوجت و أنا عارفه إني بسكن طول عمري خارج السعوديه بحكم...