لمن تعاني من آلام الدورة

بعد المعانة والآلام اللي ماتنطاق ولوعة الجبد

استخدمت حبوب كثيرة مافيها فايذة ولاتأثر فيني بعد

لحد حصلت حبوب وقمت انصح به كل بنيه تعاني من نفس الحاله وكلهم يشكرون فيني

اسم لحبوب بونستانت آسفه مااعرف اكتبه بالانجليزي لانه العلبة خلصت بس انتي لمن تروحين الصيدليه قولي ليهم ابغي حبوب بونستانت وراح يعطونك اياه وهو فيه داخل نشرة بالعربي حق طريقة الاستخدام وهو عبارة عن حبوب صفرة بيضاويه لين حسيتين بالألم اشربيه وفي ظرف 5 دقايق انشاء الله راح يروح الالم ولين حسيتين بألم مرة ثانيه اخذي حبه ثانيه..

هو وصف لي الطبيب 3 حبات خلال اليوم لكن اني اول مااستخدمته شربت بس حبه وحدة وحسيت بالراحه لكن لمن تعودت عليه صرت استخدم 2 ثم 3 حبات لانه خبركم لين تعودتين على الشي يقل مفعوله..من جذيه حصلت حبوب ثاني نفس لحبوب ونفس المفعول وهو اسمهmefac ترى هو نفس الشي ونفس المواصفات بس اني اخذته علشان جسمي لايتعود على واحد منهم وتالي جسمي يتعود على نوع واحد ويقل تأثيره من جذيه اني استخدم مرة بونستانت ومرة mefac ..

صراحه من احسن الحبوب حق آلام الدورة..

روحوا الصيديليه وهو موجود في كل صيدليه لانه مثل البندول لكن تأثيره اقوى ويستخدم مثل استخدامات البندول وراح تشوفون هالكلام في النشرة اللي داخل العلبه بعد..

واللي تستخدمه وتستفيذ منه اطلب منها تدعوا لي بان الله يرزقني بالزوج والذرية الصالحه