ابي احكيلكم قصتي باختصار...... انا الان بالشهر الخامس ومن الشهر الثالث وانا اعاني من غازات فظيعة وتهيج مو طبيعي في القولون لدرجة ماينومني بالليل ولا يريحني بالنهار ، حتى انه اول مرة جاتني مثل هذي الالام رحت للمستشفى احسبه تسمم، ولكن مااحد عرف اللي فيني لحد لما وصلت الشهر الخامس وكان الالم في اعلى السرة يقطع بطني ومااوصفلكم كيف كانت الالام والله اني مااتمناها لللعدو من شدة ماعانيت من الالام وانتفاخات واسهال حاد، وفي المرة الاخيرة رحت للمستشفى وقلتلهم والله والله مأطلع من هنا الا لما تشوفوا اش فيني اتصرفوا انتو عاد(تكرنت
عليهم) وكنت قبلها بكم يوم عندهم نص الليل بالطوارئ وفحصوا الدم والبراز ( وانتو بكرامة) قالو مافي شي، المهم اخر مرة قلتلهم مافي شي اسمه مافيني شي!!!!!!انا مارح اطلع من هنا الا اعرف هالالام من ايش؟ ومن دكتورة النساء حقتي لدكتور الباطنية حولوني على الالترا ساوند المطور وكان عندهم شك انه معايا حصوة في المرارة لكن المفاجأة كانت انه مافيني الا (الضعوي والذيب اللي يعوي) يعني بالعربي المرارة سليمة ومافي اي شي يثير الانتباه في بطني غير بنتي المسلوعة في بطني من قلة الاكل
مااطول عليكم النتيجة كانت............... تهيج شديد بالقولون............
طبعا اعطوني قائمة طويلة عريضة من الاكل الممنوع واللي يهيج القولون (كني ناقصة)؟؟؟
المهم ارتحت شوي عل الاقل عرفت اش فيني، ولكن المصيبة الكبيرة اني حتى مع الاكل المسلوق برضوا تجيني الالام وان كانت اقل حدة (ياربيييييييييي والله بلشة
) صرت مااكل الا رز ومسلوق خضار وبرضوا انتفاخات، قالولي كمون وقالولي يانسون ونعناع وقالولي شاي اخضر وقالو وقالو وقالو وانا موفايد معي اي شي، وعشت بعذاب لايطاق
الين الله هداني وبعد الاصرار بالدعاء الى خلطة بعد الله هي اللي ريحتني
ولله الحمد والشكر والمنة والفضل وبعد معاناة طووووويلة مع الالام لدرجة كرهت نفسي وبيتي وعملي وانا امرأة عاملة وعندي زوج وطفل عمره 3سنوات محتاج رعايتي ، ولله الحمد لقيت الحل
خلطة اعشاب طبيعية اللي ***** الله مالها اي تأثير سلبي عل الحمل وهي من الاتي:
ملعقة من الشمر، ملعقة من اليانسون، ملعقة من الكراوية، ملعقة من البابونج وشوية نعناع ويحلى بسكر النبات لانه سهل الهضم ويغلى في كأس ماء لمدة 5-10 دقائق ويصفى ويشرب بعد اي وجبة
والنتيجة: اللهم لك الحمد ولك الشكر زالت الالام والانتفاخات والاسهال المصاحب لتهيج القولون وصارت اعصابي مررتاحة حتى اهلي وزوجي لاحظوا التغيير علي صرت مروقة بعد ماكنت ااااخ واااااه
وطبعا الغرض من هالقصة اولا التمسك بالدعاء لله وثانيا الخلطة اللي ممكن تريح اي وحدة ثانية تواجهه نفس مشكلتي
ااااسفة عل الاطالة،،،واللي تجرب الخلطة وتستفيد منها مابي الا الدعاء لي بتيسير الحمل والولادة
وانا دحين حامل في شهر والله لما يجيني الالم والاسهال خلاص اتعب ولا اقدر اشتغل واتحرك احس قوتي راحت
ان شاء الله اجرب خلطتك بس ما تضر عشان في بدايت الحمل