إختي وبالنسبة للأجهزة الالكترونية هذا بالفعل ماأبحث عنه والحمد لله وجدت

http://store.irobot.com/shop/index.jsp?categoryId=2804605
http://store.irobot.com/shop/index.jsp?categoryId=2804605

اتفق معك
لكن اذا البيت كبير والبنات وراهم مدارس صعبه اخليهم يشتغلوون

والله اني لولا خوفي من كلام الناس يحسبون صار في حالتنا الماديه شي
اني اطلع من بيتي لبيت اصغر واستغني عن الشغاله

أختي غادة

لست الوحيدة من تريد المنزل الصغير وإذا كنت تريدين ذلك فافعلي ولا تهتمي لكلامهم
فراحتك أهم

أعرف كثيرين كانوا يملكون منازل كبيرة وفخمة بحيث يكون منزل على استراحة وخرجوا لبيوت صغيرة (دبلكس ) وهذا أيضا ما أخبرنا به صاحب مكتب عقاري أن الناس بدؤا يتجهون للبيوت الصغيرة

همسه لك حبيبتي ::
غيري منزلك واسكني بمنزل صغير وارتاحي بمملكة خاصة بك لا يطلع عليها شخص غير مرغوب به تقومين بأعمالك بنفسك بمساعدة أسرتك ..
وفقك الله ..ويسر أمورك ...

أختي fraternity88

مشكورة على هالروبوت
لكن تظنين أنه بإمكان الاشخاص العاديين أمثالنا اقتناءها كسعر وسهولة استخدام

أتمنى ذلك قريبا ..

ياسلام على هيك مواضيع:)<<<متاثره :)
والله جيتي على الجرح ..
انا مااطيق الشغالات واوسوس من وجودهم ...
بس المره الماضيه راحت سغالتي وقلت ماراح اقدم وكنت متحمسه مررررررره
كلها شهرين وبديت ازهق من الروتين اليومي ...تنظيف مسح طبخ وريحتي ريحه طبخ واضطر اخذ شاور مرتين ونفسيتي تصير عدم...
ولا لي خلق استقبل ضيوف لاني اهلك لما يجون من تعب البيت والترتيب ...


بقول لكم شي يابنات ...
احنا الخليج غير ...
مو مشكلتنا شغاله وبس!
المشكله اكبر بكثير من مجرد شغاله !
مشكله مظاهر وترف ...وبذخ ...
كل بيت فيه من المجالس والتحف كانك بمحل اثاث...هذا بحد ذذاته يبغاله عنايه!
كل بيت لما تصير عندهم حاله ولاده ....تصير حاله استنفار ...
نبي احلى تقديم واحلى صواني واحلى ضيافه ...واكثر صبابات ...واكشخ بيت ...
طيب شلون؟؟؟لازم احد يساعدك...وبالتالي الشغاله ضروره...

للاسف الضيوف اول لما يزورون احد يزورونه من بابا المحبه واداء الواجب ...
لكن الحين؟؟بكل امانه يابنات فكروا؟؟؟
الحين الضيوف يجون لقافه(اغلبهم مو كلهم عشان مااظلم)
يبون يشوفون وش الجديد بالضيافه وش الجديد في المواعين ...
وانت معاك شغاله وهالكه نفسك وعسى تسلمين من حشهم!!!

انا اذا اصار عندي عزيمه ادعي انها تعدي على خير ...ولا يصير الا الشي المشرف قدامهم...

الضيوف يبون يشوفونك على سنقه عشره ...وكشخه ...وبيتك كشخه وعيالك كشخه ...وحوشك يلمع ..وضيافتك روعه...وادعي انك تسلمين...

طيب كيف ؟؟؟

مايصير ....

اختي اللي من العراق الله يعلم اني احبكم ..واحب كلامكم واحب اكلكم ...واحب بساطتكم...

يالغاليه وضعكم غير ...مجرد تنظيف وخدمه منزل ...ان شاالله محنا عاجزين عن هالشي ...
لكن اللي متعبنا ...نوعيه حياتنا ...
كثره عزايمنا...
الناس ماعاد تعطي خير ...تطالع كل شي ...وتعلق على كل شي ...


والله انا لما جلست كم شهر من غير شغاله ماقصرت بحق بيتي ...لكن انعزلت عن الناس ..
ماابي احد يجيني وانا ماحطيت له ضيافه تواجه ..
ولاتقولين حطي الموجود...
من من الناس الحين تمونين عليه وتحطين له الموجود؟؟خلك واقعيه ...والله كان ينتفوني تنتيف ...

ماعاد الجار هو الجار ولا الصاحب هو الصاحب ...

المشكله بالنفوس يابنات ...لو احنا نكون ابسط بلبسنا ..
ووابسط بعلاقاتنا ...
ولا نتكلف لاحد ...
واذا طلعنا من احد ماحط لنا الا شي بسيط ..نتعلم نقول جزاهم الله خير ماقصروا ...موب نقول ماكلفوا على عمرهم ...وضيافتهم موب شي ...الخ من الكلام اللي اسمعه ...!!

اتمنى نكون ابسط ...
اتمنى نترك المظاهر ...وانا اولكم مستعده لترك الشغاله ...

تصدقون عاد؟؟
اعرف وحده ماجابت شغاله وهي حامل ....عقب ماارحت شغالتها ..
سمعت باذني كلام الناس عنها ...يقولون لوما هي بصحه وعافيه كان ماقدرت على بيتها!!!
طيب اذكروا الله ..
صار الحسد حتى للي تستغني عن الشغاله ؟؟؟
يارب الطف بنا ...

يوه احس اني تكلمت كثير ..:)
بس فعلا هالموضوع شاغال بالي ....وانا ناويه مع ذلك كله ..
اني مااقدم على شغاله ...بعد ماتروح اللي عندي واجرب الوضع ....
يارب يضبط وارتاح من الشغالات ...