اذا من الرياض ارسليلي على الخاص

طرشت لك عالخاص عزيزتي ماركيز .. انتظرك :)

اشوفك مهتمه بالمكاين بشكل خاص . . . .

على فكره المشروع تقدرين تمشين فيه بخطوط متوازيه , , ,

يعني تجهزين للمحل .... من ناحية الديكور و الاضاءه و الاثاث ......الخ

بنفس الوقت تمشين بتخليص الاوراق الرسميه

من سجل تجاري و ترخيص و فيز و الدفاع المدني .......... الخ

و بنفس الوقت تتفقين مع العماله و تسوين لهم ابليكيشن و عقود و تراخيص

يعني مو تخلصين شغله و بعدين شغله ,,,, لا كذا شغله بوقت واحد ...


بالنسبه للمكاين انا اقدر افيدك :

فيه الجديد و فيه المستعمل و يكون بحاله جيده

تحتاجين مكاين خياطين اللي هي بطاوله تحتها و تتميز انها لو تشتغل

24 ساعه عادي . . .. . و افضل انواعها جوكي و سنجر ... ابتعدي عن ياسمين

صحيح رخيصه بس خايسه . .

تحتاجين ماكينة تنظيف للخياطه الداخليه , , ممكن تشترينها من السعوديه

بأسعار مختلفه من 150 - 1800 حسب الماركه

و ممكن توصين تطلبينها من الهند وتراها هناك بـ 60 -70 ريال

لكن اللي بيجيبها اكيد بياخذ اتعاب دبل السعر و تراها ممتازه . . .

لكن احذري تطلبين ماكينة خياطه عاديه من هناك . . .

اذا نشاطك بيشمل تطريز , هم بعد مكاين التطريز تختلف انواعها

و مكاين التطريز هي اللي يستخدمونها لتطريز الجلابيات و العبايات

واسعارها غاليه مقارنة مع مكاين الخياطه العاديه . .

تبأ اسعارها من 12000- 25000 ريال

والانواع الحديثه جداً رااااائعه كلها تشتغل بالكمبيوتر لا تاخذ وقت

ولا جهد ولا كهرباء بس الله يعينك اذا خربت . . . .

ونصيحه خاااااااصه : لا تشترين اي شي يستعملونه الموظفات الا وهم معك

لا تتوهقين و تقولك ما اعرف له , , ولا ما تعرف قيمته تحسبه اي شي

ولا ما ترتاح للتعامل مع الجهاز او القطعه اللي جبتيها . . .

الله يوفقك . . .

معليش طولت عليك . . .

مشكووووره يا اختي اجمل احساس وانا فعلا سؤالي عن المكنات عشان مابي ابدا بالمشروع وانا ماعندي فكره موين راح اجيبها ولا نوعيه المكنات الخاصه بالشك و التطريز و غيره من الانواع ... نبهتيني حق سالفه الهند اعتقد هم عندهم هالمكاين لانهم اهل الشك :)

الف شكر حبيبتي و انتظر مشاركه اي وحده بعد لها خبره بهالمجال عشان تفيدنا