.,.,.

يا عمري المرأه دلوعه في كل سن لا تضيعين أحمل سنوات عمرك في التحسر على سنوات الطفوله والمراهقه بكره تجيك الاربعين والخمسين وتحسين أن العمر مر بسرعه استمتعي بكل دقيقه بعمرك وهاالله الله با العباده

شوفي العمر كلة يجري لكن سبحان الله مايجي في ذاكرتي الا مرحلة المراهقة
ابدا ما افكر بالمراحل اللي بعدها ولاتهمني
تمنيت لو ترجع ذيك الايام واعيش كل لحظة فيها
نصيحة يابنات اللي للان بمرحلة المراهقة انبسطي وعيشي حياتك طبعا بما يرضي الله ولايتجاوز حدودة ولاتخلين شي يكدر خاطرك..لاتستعجلين وتفكرين بالزواج من بدري والله لاحقه عليه وعلى المسئولية وغثا الرجال
صدقوني ان التغير الكبير بحياة كل بنت لما تدخل عش الزوجية وتجيب اول طفل حتى لو انها متزوجة وعمرها 15
لانها بتتحول فجأة من بنت الى امرأة تتحمل مسئولية بيت وزوج وعيال وفجأة بتلاقين ان عمرك راح بين مسئوليات اسرتك وتنسين نفسك

مدري ما حسيت باللي تحسينه
عادي البس اللي يعجبني وكل شئ
وبالعكس عندي طموح اغير نفسي للافضل
واصير حرمة سنعة
واذا على الشيب ترى المسألة وراثة
انا فيني شيب وانا بثانية متوسط كم حبة
وزادت بعد الصبغة ماله دخل بالعمر ابدا وفيه اطفال فيهم شيب
في المقابل في عجايز شعورهم سواد الليل لاقوة الا بالله

نفس الاحساس احس عمري راح بدون انجاز شي الين اشوف بناتي اللي بالجامعه واللي بالثانوي واخر العنقود بدت اول خطوه في التعليم سنه اولى ربي يحفظهن اقول لنفسي احلى شي اني تعبي فيهم ماراح خساره صحيح فقدت نضارة الوجه والصحه نوعا ما بس كله يهون لما اشوف السعاده على وجوههم الحمدلله حتى يرضى والحمدلله اذارضي والحمدلله بعد الرضى