ّّ>>>لمن لديها أطفال الرجاء الدخرل وطرح تجربتك معنا<<<<بلييز

فكرتك حلوة
بس ننتظرك انتي الاول

يالله أبقول تجربتي..

يوم ولدت طفلي الاول كان عمري 18 سنه وكنت ما اعرف شئ ابد عن الاطفال

كانت حياتي معاه كلها خوف عليه من اي تغيير في الجو من اي طفل يجي بجانبه..

كنت من اول عطسه علطول وينك يالمستشفى ...هريته بالادويه..:(

كنت ما اتحمل منظر الابره ابداااا..كان يوم التطعيم ماساه لي انا مو هو والا هو مادرى وين الله حاطه..

كنت في كل رحله مع اهلي او اهل زوجي احسب ميه حساب فين بنروح ..؟؟؟على طاولات والا بالارض؟؟؟
مغطى المكان والامكشوف؟؟؟؟؟؟؟
واخذ معاي العربيه والسرير وشنطه وش كبرها ...عشان اخاف ينقص اي شئ عليه..

لما كمل سنتين ونص شرفت اخته الثانيه....كنت اقول لامي وانا حامل بالشهور الاخيره

لاتجين عندي تراني صرت كبيره وافهم خلاص...وعلي(ولدي)كبر ومعتمد على نفسه:eek:

بس يوم ولدت ورجعت البيت انواع الحوسه والتعب ....

حسيت يوم شفت بنتي بالحب والحنان من اول نظره:26: حتى طفلي احبه لا تحسبوني ما احن عليه

بس كانت مشاعري خو ف اكبر...

حسيت اني غصت بشبر مويه...رضاعات وشفاطه ولالام ظهر وتعقيم وتغيير وتحميم ولازم
السهر...
وكأنني ام لاول مررررره:eek:

اللي تغير فيني اني صرت احس ان بين يدي امانه وجيل قاعده اربيه....

صرت حنونه بزياده اعرفهم من نظراتهم وش يبون...؟؟؟

صرت ابغى اثقف نفسي عن الطفل والتربيه واشتريت من الكتب الكثييير..

والحمدلله طفلي مهذب بشهاده الجميع:)

صرت اذا مرض احد اعالجه بنفسي ...طبعا مثل الزكام والسخونه والكحه ...السهله يعني

اصبحت اكثر قوه واطول بال...اصبحت لا اخرج للنزهه الا وقد درست الموضوع من جميع النواحي

وأصبحت باره بامي اكثرررررمن قبللللل لاني احسست بكل شئ..:09:

تعبتم والا اكمل ..::<<<ماقلت الله يعينكم:30:

تغير فيني أشياء كثيرة

أول شي حسيت قد أيه تعبت أمي الله يسامحني ويشفيها يارب ،، خلاني هذا الإحساس إني أقوي العلاقة أكثر بأمي وأزيد من بري لها ..

صرت أحب الأطفال أكثر وأحس بإحساسهم ،، وأكثر شيء يؤلمني لما أشوف دموع الأطفال بس مو دموع الدلع ..

لما يصير أي شيء أول شي أفكر فيه وأحسب حسابه العيال ..بعدين نفسي << لا شعوريا ..

صار همي بأني أربيهم تربية صالحة وعلى الأخلاق بقدر المستطاع ،، أفكر في حقهم علي ..

عندي ولدين وبتستغربون لو قلت لكم إنهم نظموا وقتي .. صحيح بعض الأوقات انضغط وطول ماهم صاحين أكون مشغولة معاهم ..

طبعا أهم شي أنظم نومهم ،، النهار لهم وللبيت والزوج والليل لنفسي أسوي اللي أبغاه ..

أما إحساسي إذا شفتهم فهو الحمد لله والشكر له على هذه النعمة التي منحني أياها دون كثير من العالمين

تفكيري في هالشي يعطيني دفعة بأن احمد الله وأشكره فعليا .. كيف ؟؟

بتريتهم على الوجه الذي يرضي الله ومراعاة حقوقهم النفسية والجسدية ..

لأن الله عطاني عيال ووكلني برعايتهم وبيسألني عنهم ..

أتذكر إن هؤلاء الأطفال ليس لهم ملجأ أو أمان بعد الله إلا أنا .. يشوفون الدنيا كل الدنيا فيني ..

أمر الأبناء وتربيتهم مرهق جدا ،، لكن الإحتساب والإخلاص فيه لوجه الله تعالى وأن هذا الجهد الذي نبذله في تربيتهم ورعايتهم ليس لأنهم أبنائنا فقط ونحبهم ،، لا ،، وإنما أيضا من أجل أن نربي جيلا مسلما مؤمنا بربه ومتبعا لسنة نبيه صلى الله عليه وسلم ناصرا لهذه الأمة الإسلامية ..

هذا الأشياء تخليني أصمد ،، طبعا بعد الإستعانة بالله والدعاء ..

أما اللي يتغير فيني بعد كل مولود

أنحف زيادة ..:42:

طولت عليكم صح ؟؟

وياساتر لو عندي وقت ما بوقف ..:)

بس بصراحة عجبني الموضوع وحبيت أشارك فيه

مشكورة أم لين:26: :26: على هالموضوع الرايق .

نسأل الله أن يصلح ذريتنا ويقر أعيننا ببرهم ويعيننا على تربيتهم وآداء حقوقهم وأن يرزق كل أخت تتمنى الذرية ..

كتبت ردي قبل ما أقرا ردك..

ماشاء الله ام سنعة ،، تصدقين ساعات أحس أنا أجيب الدوشة مو العيال ..

موضوعك روعه لي عوده بأذن الله