ريا و سكينه @rya_o_skynh

محررة

لمن يجرؤ فقط ... تقدرين تعرتفين بطباعك السيئه اتحدك

بسم الله الرحمن الرحيم
السلام عليكم ورحمة الله وبركاته

كل شخص فينا قادر يتكلم عن محاسنه واجمل صفه فيه بس صعب علينا انا نوقف ونعترف بطباعنى السيئه

مع ان الانسان هو اكثر شخص يعرف طباعه ومحاسنه و مساوئه بس يكابر ويحاول يقنع نفسه انها طباع عاديه هذا اذا ما اقنع نفسه ومنهم حوليه بانها من اجمل وانبل الصفات
مثال :.الحسد الوحده تحسد اهل زوجها على سفره لدبي وتطلع فيها الف عيب وما يستحون يسافرون لوحدهم لدبي وش يبون ام زوجي عجوز رجلها والقبر مع انه امها الي اكبر من ام زوجها الان في ربوع لبنان ولو سئلتها قالت لا عادي هذا مو حسد مني ولا غيره بس انا اقول الحق واقول الصح والمفروض انه يكون
من منا عندها الشجاعه وتقول صفه وحده سيئه فيها
انا راح ابداء
انا عصبيه واذا عصبت الساني طويل مره يعني اطلع الخن والخنين وما احترم احد الله يخلصني من ذا الصفه
اضن الضن الشين في الناس مثلاً اذا عزمت وحده وما جتني ما اقول عذرها معها لا اقول حاقرتني ولا مو ماليه عينها بس ابشركم لي فتره مبطله ذا العاده
اذا كرهتك معاد احبك لو اموت خلاص الرمح على اول ركزه مع اني انسئ الاسائه بس ما ارجع احبك خلاص
ازعل وما احب اواجه احد اذا جاء منك شي ما اجيك واقولك ليش غلطتي علي لا اسكت واروح وانا في قلبي زعل وحزن
ادلع الواحد وبسرعه اقلب اضحك معك بس حركه بسيطه تلقيني امكشره احسه حاله مرضيه يا كافي

الان من منكم شجاعه وتدخل وتقولي صفاتها السيئه الي ما تحبها في نفسها
وو ادعولي ان الله يخلصني من صفاتي الشينه ذي

يلزم عليك تسجيل الدخول أولًا لكتابة تعليق.

تسجيل دخول

عاشقة البعيد • 17 سنة

1- بالنسبه لي عصبيتي مالها حد ومشكلتي اذا عصبت أفن اي شي بإيدي حتى لو قزاز وبعد أصارخ على اللي قدامي مين ماكان ..
2- الحساسيه الزايده عن اللزوم ..
3- مأثق في أي أحد مين ماكان ..
4- أشيل في قلبي على اي أحد جرحني وما أسامح بسهوله ..

فوضت امري الى الله • 17 سنة

اذا زعلت على احد ما احب اناقش الموضوع الا اذا هو فتح الموضوع واذا طاب خاطري من احد ما ارجع مهما كان بس ما يطيب خاطري الا من شي شديد ..

%براءه% • 17 سنة

عاشقة البعيد :

1- بالنسبه لي عصبيتي مالها حد ومشكلتي اذا عصبت أفن اي شي بإيدي حتى لو قزاز وبعد أصارخ على اللي قدامي مين ماكان .. 2- الحساسيه الزايده عن اللزوم .. 3- مأثق في أي أحد مين ماكان .. 4- أشيل في قلبي على اي أحد جرحني وما أسامح بسهوله ..

1- بالنسبه لي عصبيتي مالها حد ومشكلتي اذا عصبت أفن اي شي بإيدي حتى لو قزاز وبعد أصارخ على اللي...

قياديه احب الكل يمشي عى رايي وهالصفه مكروهه جدا
عجوله بكل شي

عصبية جدا
مانسى الاساءة لي بسرعه

اخت ماجد • 17 سنة

السلام عليكم اختي
يشرفني اكون اول وحدة ترد اول مرة في حياتي اسويها
انا بدخل في الموضوع مباشرة والله يفكنا من هالصفات الشينة اللي فينا امممممممممممممممممين
اقبح الخصال اللي فيني ومااحبها ابد العصبية والحرارة الزايدة ((ابي كل شي يمشي على اللي ابيه وبسرعة مايتاخرون علي فيه واذا تاخروا ياويلهم حريقة ذاك اليوم))
ايضا الطيبة الزايدة يعني الواحد يغلط علي واسامح على طول وانسى
وبعد مااعرف شي اسمه ازعل وبس فيه اشياء كثيرة فيني بس ناسيتهم ودايم ادعي ربي يريحني منها

"جيتـــــارا • 17 سنة

موضوعك رائع وفرصة لنا تغيرمن اطباعنا السيئة للافضل
ونحاول نغيرها لمصلحتنا اولا ولراحتنا ثانيا ..
اما اطباعي الي اتمنى اغيرها العصبية صراحة لعصبت مااعرف امي من ابوي
مع اني كنت هااادية فجأه انقلبت 180% احاول كثير امسك نفسي بس مااقدر
بالوقت الحالي حاولت اتجنب الناس قدرمااقدر علشان مااطلع من طوري
ويقولون عني طويلة لسان وقووويه مع اني اشوف هالشي عادي دامني مااقول
الا الحق والصرااااحة لكن للاسف بعض الناس ماتبي قوله الحق ؟
ولاابي اغير هالطبع لان الطيبة مانفعتني بشي :(
الشي الثاني لزعلت زعلت ولاشال قلبي خلاص ماينسى ابدااا
صحيح مااكرهه هالشخص لكن مايهمني حتى لوكان اقرب النااااس
ودي اغيرهالطبع بس ماقدرت بالعكس صرت مع الايام اقسى اكثر واكثثثر :(
الله يلين قلبي ان شاء الله