اسال الله العظيم ان يجبر كسرهم ويبرد قلبهم ويلهمهم الصبر في مصابهم لله ما اعطى ولله ماخذ جعلها الله شافعه لوالديها

احتراما لام لمى وام عايض...اكتفي فقط بالدعاء لهم الله يجبر مصيبتهم والحزن لابد منه..والحمدالله اهلها واحبابها حواليهم يصبروهم ويشدو ازرهم

اللهم ارحم لمى واجبر قلوب والديها

حلقة الشريان هادية بجد واحنا توقعنا الحماس وطلع واقف مع الدفاع مستور كذاب ويرقع وملخبط والكذب باين بوجهه هو والي بالاستديو وابو لمى ما الومة بعالم ثاني وواضح ان نفسيتة منتهية ولاهو بعقلة بس عجبني لمن قال وينة هاللواء ابشوفة ابسلم علية واشكرة يقولها بأستهزاء وغبنة زي الي بيوصل رسالة لنا حقي ضاع بس الله ينصرك وياخذ حقك منهم جميع

صاحت (حقل )جاوبه (هداج ) ياخيّه
الله يعينك على الدنيا وأحزانه
قالت ( لمى ) في ظلام البير مكفيّه
متعلقه بالسماء من بين جدرانه
قال اصبري خابر(ن) لي شاعر هنيّه
يفوح ريح الألم من بين قيفانه
قلت اتركوني مادام العين مبليّه
في قصة الي تشيب العين من شانه
البير صار القبر يوم الكفن طيّه
وبيديها طشّت ترابه فوق جثمانه
تصيح وينك ( يبه ) مامت انا حيّه
ويقول ياعين ابويه وين بيبانه
تقول مدري وكنت العب على الخيّه
تكفى دخيلك ابي امي وبردانه
طلعني قبل اختنق واموت في ميّه
اشتقت لامي ابي انام باحضانه
اشتقت لالعابي الي شاريه ليّه
لي كم يومٍ على هالحال سهرانه
كنت احسب العمر توه باقي شويّه
ماكنت احسب المنايا بين شعبانه
سلم على امي وقله تحسن النيّه
ماكنت ابي حزنها يزور وجدانه
ولو كنت اعرف الدرب باخره مهفيّه
كان ارجع لحضنها وخطاي عجلانه
ولا ترمي ( الكيك ) ( والبسكوت )مافيّه
نفسن على الزاد والاخلاق خربانه
( يبه ) ظلام الليالي يتبعه ضيّه
لكن ظلام القبر ماشوف ضيّانه
تدري وش الي ذبح خوفي وطاريّه
اني اشوفك وانا بالبير مرضانه
لو هي بيديني طلعت وماني معيّه
من يكره انه يشوف ابوه واخوانه
( يبه ) احس ببرود(ن) فوق رجليّه
اظنه الموت تحتي جهز لسانه
روّح تريح وقل للموت ( يابيّه )
عجّل عليها من الي صار تعبانه
ومع السلامه مادام الروح مطويّه
يوم القيامه تشوف الطير بجنانه
😭😭😭😭😭😭😭😭