ذكرتونى بمعلمتى ابله منيره كانت تدرس فى مدرسهالابتدائيه الرابعه عشر فى الملز
ياليت تقرا ردى اقول الله يحللها ويبحيها ويجزاها الجنه حبيت المدرسه برقيها وحسن تعاملها معانا خاصه بعد ماضيعت من عمرى سنه

بسبب ابله فى نفس المدرسه رحت للمدرسه اول يوم دراسه باول ابتدائى تخيلو وانا فرحانه وامى استانسة انى تاقلمت
وقفت بالطابور مع البنات ومن سوء حظى وقفت بطابور هى معدلته وصافه البنات ويوم شافتنى صرخت على وش جابك هنا
انا انفجعت وهربت لامى وقلت توبه مابى هالمدرسه وحاولت امى وحاولو معاى المعلمات لاكن خلاص صكت نفسى على المدرسه
وجلست شهر ابكى فى الاسياب وماادخل فصل والدموع اربع اربع وحاولو اهلى بكل شى امى كانت تحطنى وتهج وابكى ودائم جالسه
عند باب المدرسه عورة راس ابو على الله يذكره بالخير ويرحمه حى او ميت وفى الاخير طلعت من المدرسه وضيعت سنه من عمرى
وكنت كل مااشوف المدرسه اكرها ولا اواطنها الى اليوم الله لايسامحها فجعتنى وارعبتنى

جزاكم الله خير على تفاعلكم مع الموضوع .. لكن طغى على المشاركات الجانب السلبي ولا ألومكم على هذا فحرقة ومرارة الظلم لا تنسى ولكن أيضا لا ننسى الجانب المشرق من معلمات تربويات راقيات ومبدعات في تعاملهن آمن برسالتهن العظيمة وأنها أمانة تسأل عنها يوم القيامة ..

أنا لما كنت فا البتدائي كانت عندنا معلمه ....الله حسيبها دنيا واخره
تجلدفينا بشكل موطبيعي مره جبت مصحف تفسير في حصه القران وقالت هذا ماينفع لطالبه لمعلمه هاتيه لي باخذه
ولما جا بكره هزئتني ووقفتني طول الحصه ودارت بي في الفصول انا وكم بنت تقول شوفوا الكسلا نات ماجابوا مصاحفهم
ومصحفي معها الله لا يوفقها ولا يسعدها ولا يهنيها بيوم فحياتها
اااااااااااااااااااااااااخ بس وش اقول ووش اخلي منها هي واخواتها لا عبين فنفسيات البنات بشكل
وكانت اختها تهزى في وحده معنا في الفصل كانت شوي صحيحه وكانت ها المدرسه تقولها في قاعه المتحان
لا تتعبين نفسك ماراح تنجحين..تخيلوا الله ياخذعمرها
والله ماحللتها الى يومك ولوناقف انا وياها عندرب العالمين والله ما أحللها جعلها الحل في بطنها

جبتيها على الجرح والله يكتب لك اجر نيتك انا اكره الخياطه اكره الخياطه اكره الخياطه
اكره شي اسمه ابره وخيط اكره الباترونات اكره القماش اكره كل شي يختص با الخياطه والسبب معلمه كانت تدرسنا في رابع ابتدائي وهي اول سنه نتعلم فيها الخياطه وكانت اللي ما تعرف تخيط با الابره تضربها با المسطره بس تخيلوا يا بنات وين تضربها ؟؟؟؟؟؟؟؟؟؟؟؟؟؟؟؟؟؟؟؟؟؟؟
على وجهها تخيلوا على الوجه تسطرنا كرهتنا الحضور يوم السبت بسببها كرهنا الخياطه بسببها تخيلوا يا بنات اذا عرفت انها غايبه اجلس ابكي من الفرح لان الله استجاب دعوتي وهي دعوة الطفله البريئه ذات العشر سنوات التي لم تقترف اي ذنب سوى انها كانت طالبه لديها ولكن ما اقول الا الله يسامحها ويحللها فهي ايام وعدت ولكن كرهي للخياطه سيظل طول العمر

زمان كان في شدهـ


اما الحين فنادراً ما تشوفي وحدهــ شديده


وانا الحين معلمه


سبق و عانيت من بعض المعلمات الله يهديهم


واحاول الان ان ان اكسب طالباتي باي شكل


و اغلب المعلمات الحين شابات واعيات .. و يحبوا يكسبوا الطالبه و احترامها ...