بس مواقفكم هذه ماتجي ربع مواقف المدرسين ترا عند العيال ضرب وكفوف وانواع التعذيب 
غالبا ااحنا بس كلام يأثر فينا 
والله يوم زوجي يقول عن مدرسينهم وشدتهم 
اتعجب من معلمين الاجيال اسلوبهم قاااااسي مرررره الله يسامح الجميع ويغفر لهمممممم

موضوع رائع جدا الله يجزاك خير صاحبة الموضوع
بس من جد حسستوني أنكم في معاقل تعذيب وش هالمعلمات الله لايبلانا
أنا أذكر معلمة سورية شديدة مرة دايم معها المسطرة الطويلة واللي مايحفظ جدول الضرب يتشهد
بس والله جدول الضرب رسخ في مخي من ثالث ابتدائي وجيل هالوقت بعضهم وصل الثانوي مابعد حفظوا الجدول
جيبوا المسطرة تعلمهم ههههههه
ومرة في ثالث ثانوي كانت معلمة الرياضيات تشرح
وطبعا عصبية مرة وكنت منتبهة لها في الشرح بس كان القلم في يدي العب فيه بدون صوت وفجأة بسم الله صرخت تقولون دوي مدفع وقالت فلانة حطي القلم لأكسره عشرين حته وانتي وراه عقبها ماهنا عرق في جسمي مايهتز الفصل صار ظلام الله المستعان جعله تكفير ذيك الصرخة
والمواقف الزينة كثيرة مع المعلمات لأنني كنت ولله الحمد مسالمة وهادية وأحب أكون مشاركة في الفصل لذلك يحترموني المعلمات واحترمهم الله يجزاهم عنا بالخير

يزين حساب الدنيا يمكن يسمحون لكن حساب الآخرة كيف بين الثقلين علشان كذا الي ما يحس نفسه قد الأمانة لا يقدم عليها ضرب تقصير في التعليم وتوصيل المعلومة إهمال في كل شي يارب ارحمنا برحمتك

اشد انواع الظلم يقام بس على الطبقات المتوسطه اما بنات الطبقات العاليه لاء

و هذا ظلم حسبنا الله ونعم الوكيل

انا الحين معلمه الله يستر بس  الحين حنا معلمات هالزمان طيبات كثير والوضع انعكس الطالبات هم اللي مورينا الويل ومن من المواقف اللي اذكرها 
كان فيه مدرسه رياضيات مصريه 
عصبيه مجرمه قليله في حقها 
تضرب ضرب مبرح كانت تضرب البنات قدامنا ضرب اجرام مع اني ماجربت ضربها ابدا ومره من المرات ماجاوبت وضربتني ضرب مجرم موب انسان مع اني كنت ممتازه عندها ولا شفعلي انها اول مره ودايما كنت احزن ع البنات اللي تضربهم يوميا 
مجرمه ماعندها اي انسانيه 
الله لايسامحها