اتذكر وانا بصف خامس ابتدائي فيه مدرسة مرعبة حسبي الله عليها جنسيتها اماراتية وكله معصبة حتى بنتها صديقتي دايما تشتكي منها وكان امتحانات نهاية السنة امتحان شفوي قرآن عاد سألتني سؤال المهم هي وجهها يخوف لانها كله عاقدة النونة واسنانها تخوف عاد سألتني السؤال وانا خايفة منها لان صايرة فيس تو فيس ونسيت كل المعلومات وقاعدة ارجف مدري شنو السؤال كل الي اذكره انها قالت النبي عيسى ولا النبي محمد :mad2: <<<< هذا وجهها وهي تسأل الطفلة البريئة الي هي انا :(
مدري شقلت وطرااااااااااااااااااااااااااااااااااااااااخ كف حامي على وجهي :icon33:
وقلت حق ماماتي وقامت تدعي عليها
مدري شبيستفيدون هالمدرسات بس دعاوي تجيهم وبلاوي تصيبهم من عمايلهم والله :mad:
للحين انا حاقدة عليها

ما زالت تصرفات بعض المعلمات تتكرر بين اللحين والآخر.
فيهم من تذكرينها بالخير وتتمنين لها السعاده مثل ماكانت تعاملنا بالحسنى.
والبعض الآخر مانقول الا الله يهديهم فاهمين التدريس بصوره خااااطئه جدااا؟
تحسين كأنها وحش بغابه تنهش بذي وتسب هذي وتأمر وتنهى وتعصب وتتلفظ بكلمات تقهرررر
مازالت صورة بعض المعلمات في بالي سواء غلطهم كان علي أو على وحده من الطالبات
أحس ماقدرنا نسامحهم.........
ياليت المعلمات يفهمون هالرساله ويأدونها على الوجه الحسن؟

معلمة العربي في الثانوي

دائما لين اتذكرها اقول الله لايسااااامحا ولايحللها

كانت تتعمد اي سؤال صعب في المراجعه ومحد رفع يده تقومني الحمد لله اغلب الاحيان اجاااااوب

لكن مره قالت عليكم مادة البلاغه بكره وجيت ثاني يوم وقالت يالله طلعو النحو

والبنات عادي طلعو

بما اني ماراجعت على طول قومتني يالله جاوبي وماعرفت لانه مو درس لا درررروووس مراجعه عامه

وماعرفت رااحت قالت بنات شوارع الله لايسامحها كرهت العربي منها

مره مسكتني قالت لي ليه غيرتي مكانك كنت في المقاعد الاولى وبعدها غيرت وراء

قلت لها فلانه جات مكاني وطلبتني عشان هي ماتركز وعجبها المكان

قالت بس لين كنتي قدام كنتي شاطره

وش دخل قدام ووراء في الشطاره

:( كرهت المدرسه بسببهم عقدوني :44:
والشهاده لله مو كلهم بعضهم وهم قله ينحطون ع الجرح يبرى

:icon33::icon33::icon33::icon33::icon33::icon33::icon33:

انا بتذكر بالسادس ابتدائي معلمة الرياضيات الله يسامحها ,, سببتلي عقدة من الرياضيات بسبب عصبيتها المستمرة علي دونا عن بقية البنات ,, وانا كنت طفلة مليانة , كانت سمنتي بالنسبة الها مادة دسمة للسخرية

الله يسامحها للان مابنسى مواقفها معي ولارح انسى ,,,

وبالمقابل قابلت بجميع المراحل مدرسات لهلا مابنسى فضلهن علي بعد رب العالمين ,, والله يجزيهن عني كل الخير