لم اشعر ابدا انه غائب

السلام عليكم
كيف حالكم بنات
شهرين واكثر على وفاة اخوي
حياتي كانت قبل تاريخ وفاته ممتازة جدا
سعيدة ومتفائلة ومافي اي شي ينغصني
انا جربت لوعات الموت
خالتي ابوي عمي بس كانو شياب عاشو عمرهم
صح زعلت بس فترة ورجعت مثل اول
مانسيتهم هم بقلبي ودوم اتذكرهم من باب الوفاء والحنين للحظات عشتها معهم وادعي لهم
بس موتة اخوي كانت فاجعة
فاجعة كبرى
اعرف انه الموت حق
بس الطريقة صدمنا فيها اشد المتشائمين ماتوقع انه يصير كذا الصدمة كانت على الجميع دخل على اساس جلسة تنفس وكم يوم يروح منه الفيروس وماطلع من بعدها الا للقبر
في شي يمنعني اني اعود لحياتي الطبيعية من بعد وفاته
انقلبت حياتي ١٨٠ درجة
كلها حزن اكتئاب من الحياة
اجلس بمرات اتذكر لما زارني قبل وفاته ب ١٨ يوم اتذكر ضحكاته وسوالفه اشوف صوره فيديوهات اتذكر كل شي واربط الذكريات كلها على لحظته الاخيرة لما القيت عليه اخر نظرة وهو متكفن بلا حركة او سكون
يارجل مازلت بعز فصولك وشبابك
بالليل تدهورت حالته ودخلو انبوب للرئتين عشان يتنفس ودخل بغيبوبة
كلام الطبيب كان واضح وصريح
حالته يبغالها معجزة وموته مسألة وقت فقط

زوجي ماخبرني بالكلام هذا ولا اخواني بلغونا الكل تم متكتم
ليلتها زوجي دخل البيت سبحان الله من وجهه يسولف غصب عنه يضحك بالقوة ويحاول يونسني
بعدين دموعه غصبته وبكى قدامي شوي استغربت ليه تبكي يافلان
قال لا بس تذكرت ابوي ومشى
مات منتصف الليل
كيف عقلي مايتحمل فكرة انه شخص تحبيه يختفي فجأة
صدقا تمنيت انا اكون الميتة ولا اسمع بهذا الخبر ما اسمع كلمة عظم الله اجرك على اخوكي
تصدقون جاتني حالة نفسية خفت منها من الصدمة
كنت اطالع برا بالشوارع مافي اي اشارة انه اخوي مات فعلا
الحياة مستمرة بشكلها الطبيعي
معقول ما احد علم بموته
كذا كنت افكر

حتى لما كانو يقومون على اجراءات الغسل كان يكلمني زوجي ويواسيني وانا كنت طبيعية ماعندي تصديق للحدث هذا
حتى المغتسل كذابين مو اخوي لي بداخله يغسلون واحد ثاني بس بعدها انصدمت يوم شفت وجهه
فعلا كان اخوي حسيت بالاحباط وانه لازم اتقبل الامر الواقع

ندمانة اني ماقعدت معاه اكثر اني ما اكتفيت من تفاصيل وجهه مستصعبة جدا انه اخوي غاب
اخر جلسة ماكانت عادية ابدا
رجعت بتفاصيلها كلها
كانت جلسة عنوانها الوداع الاخير
اخر كلمة قالها لي من على الباب اشوفك على خير


سبحان الله بعض الاحيان شخص واحد يحلي بوجهك الحياة
مثل مايقال هنالك في القبر ميت احب إلي من ألف حي
بيته بنفس شارع بيتي
لما كنت امر منه اشوفه بيت جميل
بس بعد موته صرت امر اشوفه بيت كئيب حزين مظلم سبحان الله رغم كثر الانارات والاضاءة المحيطة بالبيت الا اني اشوفه مظلم بدون صاحبه
حتى تحاشيت امر من الشارع ما ابغى اشوف بيته ولا سيارته لي صارت غبار وهي مركونة قدام الباب

احس بروحه قريبة مني كل مازدت دعواتي له
سبب حاجتي للكلام اني شفته امس بحلمي لمدة ثواني يلمس شعري التفتت لقيته يضحك لي لكن اختفى بسرعة وصحيت حسيت بحالة غريبة
هو حلم ولا علم ولا تخيل مني ما اعرف
ما اقصد اني احزنكم او اخليكم تتعاطفون معي من كلامي بس بحاجة شوي اني اطلع لي بقلبي

الحزن لي بداخلي مستحيل احد يفهمه