اختي ترا انتي مو لوحدك فيه غيرك كثير
وربي ان اغلب المتزوجات مو مرتاحات مشاكل وهموم وربي كل ماشوفهن اقول الحمد الله اني للحين ماتزوجت على الاقل مايرتفع ضغطي والي كاتبه ربي بيصير والله اني اعرف وحدة تدعي على زوجها بالمووت
يختي قولي الحمد لله ع الصحة والعافية وصفاء النفس
وربي يفرج همك ويرزقك الزوج الصالح ويلين قلب ابوك وربي حاسة بشعورك بس مالنا الا الدعاء
و رحمة ربي اكبر من كل شي سبحانه
اسأل الله العظيم رب العرش العظيم ان يرزقك الزوج الصالح انت واخواتك وجميع بنات المسلمين وان يعصمن قلوبهن ويقر عيونهن بهن ويرزقهن الذرية الصالحة اللهم امين

ياحبيبتي هاذي العنوسه مو نهاية الحياه ...والي يتكلمون عنك او يطالعون بنظرات غريبه والله العظيم انهم ناس متخلفين ..وربي بيوريهم "كما تدين تدان"
واذا ربي مارزقك بالدنيا بيرزقك بالاخره ان شاء الله ..والدنيا قصيره والدايم الله ..
تقبلي مروري..

اسال الله الكريم ان يرزقك الزوج الصالح

اسمعي حبيبتي أنت مرة وحدة بتعيشين .. عيشي بسعادة داخلية وماعليك من الناس هذي حياتك أنت
الناس هذا همهم
وصديقاتك شكلهم خايفين منك .. يمكن أزواجهم يهددونهم فيك
بس أنت ماعليك منهم والصداقة اللي كذا أحسن تنقطع
وترى آخره المتزوجة والعانس"على قولتك" الموت يعني نعد لهذا اليوم أحسن من نشغل أنفسنا بمرض الانتظار
أنت لا تنتظرين ولا تعلقين سعادتك بالزواج .. أكيد تتمنين و أنا بعد أتمنى وأدعي الله أنه يرزقك بالزوج والذرية الصالحة بس مو إذا ماصار لك زواج تصنفين نفسك تعيسة لا حبيبتي هذا بلاء و أنت مأجورة ويمكن مايدخلك الجنة إلا هو
خليك قوية ولا عليك من أحد

حبيبتي لاتجعلين كلمه عانس تجرحك بالعكس اهنيك اهنيك على صبرك وعفتك وتحملك انتي انسانه فيك الخير لو غيرك الضعفاء كان لجات للحرام

لكن انتي وغيرك ومن تعدت فوق الثلاثين انتي صالحه والدليل على صلاحك صبرك وحفاظك على نفسك ماشاء الله افتخري الكل يغبطك على الصبررر وعدم اللجوء للحرام نعمه عظيمه
ابشري بزوج اخير من ازواج الدنيا
تلقينه بالجنه مثل ماتتمني لاتخافي سعاده مؤبده خاليه من المشاكل لكن احتسبي وقدمي لله مايحب ومايرضى وتنالي من خير الاخره ونعيمه افضل بكثير من خير الدنيا الزائل الي يصحبه الكدر الحزن
اذا سالكي احد عن عدم زواجك قولي زوجي عند رب العالمين بالجنه ان شاء الله وفقك الله لما يحب ويرضى