السلام عليكم ورحمة الله وبركاته
تكفووون حطوا موضوعي هذا بكل اقسام المنتدى لعل وعسى توصل لاحد وربي تعبت تعببببببببببببببت
اللي تقدر تساااعدني تساااعدني كتبت هالموضوع بمنتدى التربية والتعليم ومااحد ساعدني راح انقله هنا لعل وعسى وتكفون يامشرفاات حطوه لكل اقسام المنتدى لان الله يعلم بالحااااااااااااااااااااااال احااول اعزي نفسي باي شيء ماقدرت حتى البرقيات طرقت بابها وارسلت برقيه للملك بس وجههوها للوزاره وماوصل الملك شيء والوزاره سكتتني بخطااب بااااااااااااااااااارد
هذا موضوعي
انا معلمه لي سنتين موظفه بمنطقه بعيده وماحالفني النقل ادري بتقولون فيه غيرك جالسين سنين اكثر وصابرين
يعلم الله هالسنتين وش صار فيها وقد ايش تبهذلت كنت بالبدايه اروح من المدينه اللي ساكنه فيها وانا الوحيده منها مع معلمات يجون من مدينه ثانيه ونمشي حوالي 350 كيلو متر يعني 700كيلو متر يومياااااااااااااا اثر هذا على صحتي النفسيه والجسديه بالرغم ان عمري 25بس اهم شيء كان عندي اني ارجع لأهلي اخر اليوم وانام عندهم وماكنت اشوفهم الا قلييييييييييييييييل وفي رمضان حدث ولا حرج من التعب هذا غير حال امي وابوي كل مارجعت للبيت وكيف تكون دموع ابوي كل مامر بايام السنه على القريه اللي ادرس فيها وكيف ان بنته تقطع كل هالطريق خصوصا انه مسار واحد وكثيييييييييييييييييييييير كنا نتعرض للموت لولا ستر الله ثم دعوات اهلنا ووالله اني اطلع يوميا ماادري انا ارجع ولا لا كنت اروح للمدرسه ادخل على طول للفصل اللي ادرس فيه غير تخصصي (انا معلمة انجليزي) لان فقط حصتين بالاسبوع والطالبات كانوا 14 بس عطوني موااد ثانيه وفصول ثانيه هذا غير الانتداب اللي بقريه ثانيه
الى ان نقلوا المعلمات اللي كنت معهم وجو معلمات غيرهم بالسياره ومااعجبهم انه يمرون على مدينتي ويتأخرون ربع ساعه !!!!!!(الله حسيبهم ) وطلعت وصار اللي صار واحداث كثيره اليييييييييييييييييييين قررت السكن مع امي الكبيره بالسن والمريضه
تخيلوا امي تعبت اكثر وماعندي اي وصيله مواصلات توديها للمستشفى اللي يبعد حوالي 60 كيلومتر كنت اروح للصيدليه واستشير الدكتور اللي فيها وانا قلبي يتقطع اني اسوي كذا بامي مع الحاحها علي
واذا تعبت مافيني الا اني اجلس بجنبها وادعي ربي
ابوي مايقدر يسكن معي لان خواتي يدرسون هناك وكلنااا بناات مالنا الا الله ثم ابوي ( على مشارف الستين)
طبعا كنت اقول لامي انهم شالوا الانتداب عني وباليوم اللي يكون فيه عندي انتداب اروح بالسياره اللي اجرتها بعد طلوع الروح لانه مايستفيد من معلمه وحده بس رفعت له الاجر لان كان فيه تهديد من ادارة التعليم لمن ترفض الندب مع اني كلمتهم وذكرت لهم ظروفي ((تخيلوا اكتفوا بقولة هذا نظام والله يعينك))ورفض حارس المدرسه المنتدبه لها انه يجي ياخذني مع المستخدمه مع ان المسافه عشر دقايق بس تطلع برا المباني وهنا تحدث المعاناه كل اسبوع والخوف من الطريق والتفكير بامي اللي وراي وش يمكن يصير لها بغيابي
بعثت برقيه للملك وطبعا ديوان البرقيات احالوها للوزاره اللي اعتذرت مني بخطااااب رسمي من مدير التعليم بالشرقيه باني انتظر الحركه ولكن ((لم تنقلي)) كانت العباره التي صدمتني وصدمت والدتي
فكرت بالاستثنائي لكن اهلي رفضوا لان الاجازات تعيق فرصة النقل فكرت بالفصل وترك هالذل لكن اهلي ماتعبوا علي الا انهم يشوفون عندي وظيفه تضمن لي حياتي اذا قدر الله اي شيء
لعومني وش اسوي او لمين اتوجه بعد الله ماااااااااااافيني ارجع والله ثم والله المنطقه مو محتاجتني ادرس حصتين انجليزي بالاسبوع بمدرلاستي وحصتين بالمدرسه المنتدبه لها والمواد الثانيه قادرين معلمات المدارس اللي فيها انهم يشيلونها لانهم معهد معلمات وابتدائي وكثيرات قادرين يغطون وزياده والله
حتى الانجليزي فيه معلمات متوسط وثانوي وابتدائي مثلي بالضبط ماعندهم ارتباطات بمتوسط او ثانوي علما انه فيه احتيااااااااااااااااااااااااااج كبير بمنطقتي بعد سؤالي لمركز الاشراف واكدوا لي
بس مين يسمع ؟ مين بيتحمل اي شيء يحصل لامي ؟مين يتحمل اي شيء يحصل لي في الطريق للقريه الثانيه
تخيلوا لما كلمتهم بخصوص الانتداب وظروفي وقالوا هذا النظام والله يعينك قلت طيب تظمنون اني مااتعرض لشيء؟؟ قالوا لاااااااااااااااااا قلت ليش تامروننا نعلم بناتنا بالمدارس انه لا يخلوا رجل بامره وان المراه ما تروح خارج المباني مع رجل لوحدها وتقولون النظام والله سكت المسؤل وقال بعدها شنسوي كذااااااااااااااااااااااااا النظام
قولوي وش اسوي وين المسؤلين اللي يخافون الله واللي مايخافون الله ترى بيجي يوم وتسألأون عن كل ااااااااااااااااااه وكل زفره وكل يد ارتفعت من كل معلمه ظلمتوها
ادري طولت عليكم بس هذا ولاااااااااااااااشيء من اللي اعانيه وتعاني منه كثيرات بس مين يوصل هالكلام ميـــــــــــــــــــــــــن؟
انتظركم تفيدوني باي شيء ممكن اسويه ماابي اي تعاطف قد ماابي حلول
السلام عليكم ورحمة الله وبركاته
تكفووون حطوا موضوعي هذا بكل اقسام المنتدى لعل وعسى توصل...
:angry2: :icon33: :44: والله هم يضحك وهم يبكي