تركيه511 @trkyh511

محررة ماسية

لنا لقاء عن قريب .....قولوا اااامين

السلام عليكم بنات كيف حالكم ...

عيدكم مبارك قبل الزحمه ...واكل اللحمه

بدخل دوغررري بموضوعى عادانا ماحب الللف والدوران

حبيت اقولكم صراحه مادرى وش فينى حسيت انى هملت بيتى واولادى تدروون من ويش

من هالتكنلوجيا مادرى ويش الحق على النت والا الجوال والا البيت والرجال

فقررت قرار لارجعه فيه انى اكتفى بجوالى الحبيب كل شى يجينى فيه من اخبار واحداث العالم وووو

فسامحوونى وحللونى يمكن اسأت لاحد منكم علا انى متاكده انى عمرى ماخطيت على اى بنت منكم

لاكن اقول اي وحده اسا ءت لى بردها لموضوع من مواضيع بكلام جارح اقولههها بالفم المليااان انا مسامحتك ليووم الدين ليس خوف منك لاوالله لاكن خوف من ربى واحترام هالاياام المباركه

الزبده وانا اختكم يمكن اغيب عنكم عاد مدرى على حسب ضرروفى وفضوتى يمكن اتوايق عليكم بس لاتزعلون منى اذا مارديت عليكم :06:

يعلم ربى انى احببتكم كلكم بدوون استثناء :35:

تقبلوا ودي واشواقى

550

يلزم عليك تسجيل الدخول أولًا لكتابة تعليق.

تسجيل دخول

ركايز • 13 سنة

تركيه وبعدين..
ترى والله مو بكيفك والله ان اي وحده ماتدخل يوم اننا نفقدها وش ذنبنا
تعذبونا ترى قلوبنا رهيفه ونقلق عليكم هذاني كم يوم فاقده ريموؤالجنوب ودبه سمينه بريالين..

صبح الرشاش • 13 سنة

ليه ياتركيه ؟:(

يعلم الله إنا راح نشتاقلك بالحيل
بس تكفين لاتنسينا طلّي
علينا بين فتره والثانيــــه
ومسامحينك يالغاليه ومافي بقلوبنا
إلاكل محبه لك

الله يحفظك ويوفقك :(

الفهد777 • 13 سنة

ربي يوفقك ياقلبي واذا لقيتي وقت فاضي طلي علينا وربي يسامحك دنيا وآخره اختك بدور الطايف

صدقي سر سعادتي • 13 سنة

الله يسامحك ويوفقك والله والنعم فيك ياتركيه كنت اتمنى اتعرف عليك اكثر

لكن في الجنه ان شاء الله

قطوة ضائعة • 13 سنة

افا ... يالغاليه تقوين تتركينا...
شوفي ترى افضل حل عشان توفقين بين بيتك والنت لاتدخلين الابعد ماتخلصين شغل البيت والعيال... يعني آخر الليل.. هذا نظامي تقريبا..ومرتااااحه كذا
واذا مصممه تروحين ووتركينا .. اقولك والله بنفقدك بنفقد سوالفك الحلوه ... والمجلس بيفقد اهم عضواته..
بس لاتنسينا وخاصة خيتك قطوة تراها للحين ضائعه في هالدنيا... ادعيلها ان الله يصلح لها حالها