السلام عليكم ورحمه الله وبركاته

بالنسبة لي...ولدي عمره سنتين ونص...وبنتي عشر شهور...ادري الموضوع يتكلم عن اللي أعمارهم أكبر بس اعذروني حبيت أفيد...

في الصيف اسبحهم يومياً بعد المغرب علشان يتعشون وينامون مرتاحين..أما في الشتا يوم هي ويوم لا الظهر بعد الغداء بساعة..ادفي لهم الغرفه والحمام واجهز الكريمات والملابس

بالنسبة لكتكوتي بنوتي الدلوعه:27: اسبحها في البانيو الصغير للأطفال...احط لها ماي دافي مع ملعقة كبيرة زيت زيتون (يمكن تستغربون...والله إنه رهيب على أجسامهم يرطب بطريقة عجيبة وينعم الجسم)) واحط إلها ألعاب تلهيها...وابدأ اغسل شعرها بشامبو بيبي جونسن واغسلها بالصابون ولأن بشرتها حساسه ما أستخدم الليفة إلا تحت الإبطين والرقبه وأماكن الثنيات..بعدين أغسلهاعن الصابون بالماي نفسه وبعدين أفرغ البانيو من الماي عن طريق فتحه موجوده فيه وبعدين اغسلها بماي دافي ونظيف وانشف جسمها واحطلها كريم طبي مرطب على الجسم والوجه وانظف اذنها من الماي وانشف شعرها زين واحطلها كريم الشعر والبسها واعطرها بمخلط المسك الأبيض مع دهن العود...فديتها وفديت ريحتها:27:

وبالنسبه لولدي الرّيال بو شهاب:02: (متعصم بالغتره):42: استخدم له نفس الطريقة بس اسبحه في البانيو الكبير واغسله بالليفة الناعمه...وطبعاً في الشتا اجفف شعرهم بمجفف الشعر على أخف درجة...وخليهم في الغرفه فترة علشان مايتعرظون للبرد فجأة..والله يحفظهم هم وأبوهم ويخليهم ولا يخليني من شوفهم ومن ريحتهم ...وسلاااااااااااامتكم

مها الإمارات :26: :24: :26:

مها الإمارات ......... مشكورة اختى ..... وانا متاكده انه فى من هم محتاجين لطرق تحميم اطفال دون السنتين ........ فشكرا للمشاركه

مرحبا سفرجل
انابنتي عمرها سنتين ونص لازم احايلها عشان احممها اعبي لها البانيو مويه بعدين احط العابها الخاصة بالمويه واحيانا اكتفي بالليف حقتها الي على شكل دبدوب وسمكة واهم شي لما احممها اعطيها كاس بلاستيك جربوها مع اطفالكم اواذا عندكم العاب الكورنيش لانها تحب تعبي وتكب من الموية على جسمها وتنسى نفسها

بعدين ابدأ بشعرها اغسله بالموية بعدين احط شامبو بيجون او جونسون وافركه زين خصوصا الي ورا اذانها بعدين اشطفه بالماء احيانا اذا حسيت انه مانظف اكررالغسيل بس غالبا مره وحده
:33: :27:
بعدين اغسل جسمها بجونسون السائل حق الجسم الي يضغط باليد وافرك رقبتها والي تحت يدينها(الابط)والجسم والركبة والاصابع الرجلين بعدين اشطفها بالمويه:27:

اذا خلصت نشفتها هذا اذا مابكت ماتبي تطلع من البانيو اتركها لين تتخثر اصابعها من الموية (فهمتي علي)
بعدين هي تقول ماما خربت يدي ورجلي وتطلع ياحياة امها واجففها وهي مبسوطة

بعدين احط البودره في رقبتها بس لاني سمعت ان البودره تسمر الاباط وفعلا حسيت بنوتتي سمرت مدري ليش قالوا لي من البودره لاني كنت اكبها كب عليها :26:


المهم البسها في الحمام واذا برد اجفف شعرها قبل اطلع مع الحرص ان الرجلين تكون جافة (رجلين الأم) علشان الاستشوار خطر على الارض المبلولة حركككككككككككككات

المهم اطلعها من الحمام وهي زي الوردة وخشمها يلمع ولمل تشوف نفسها بالمراية تتشقق وتقول الله انا حلوة

ياحبي لها مرة معجبة في نفسها الله لايخليني واياكم من هالنعمة
ويجعلهم بارين فينا على هالتعب :17: :17:

آسفة على قصة حياتي اناوبنتي >وحدة ماصدقت
وبااااااااااااااااااي

انا حبيت اشارك وياكم مع ان بنتي عمرها 6 شهــور الله يحفظها لي يارب :27:

عن نفسي انا اسبحها كل يوم الظهر على الساعه 12 الظهر يعني عقب ما اغديها بساعه كاملة ... احطها في البانيو الصغير للبيبي احط لها ماي دافي وابدأ اغسل جسمها لصابون مااذكر اسمه بس هاي ماركته bebe وهو واايد روعه وما استخدم الليفة وبنفس الماركه مااخذه الشامبو واغسل شعرها وبعدين أغسلهاعن الصابون بماي دافي ..

واطلعها من البانيو وانشفها واحطلها baby oil من مذركير واحيانا احطلها baby lotion وطبعا اكون مدخنه ملابسها والبسها واحطلها شوي دهن العود عن اذنها وصدق نسيت اقولكم اني احطلها كريم بارشوت الازرق لشعرها وفديتها وفديت ريحتها :26:

اخت لهلووووووبه :26: مشكوووووووووووووووورة على الشرح المفصل المفيد

:26: *****************:26:

اخت أم حصيص ياهلا بمشاركتك معنا ..... وشكرا لك ايضا


:26: *******************:26:
والله يخليلكم ولنا ولا يضيع تعبنا ويجزي اهلنا عنا خير