اشحالكم
انقل لكم حالة صديقتي توأم روحي ...
اللي جاتني بسببها مفجوووعة ...
وبسبب انها متخوفة او بالاصح مستحية انها تروح تكشف عند الدكتور
طلبت مني اكتب حالتها هني لعل وعسى تحصل رد يسر منكم ...
بخبركم عن حالتها وياريت اللي كانت بنفس حالتها واتعالجت علاج تقليدي يعني طرق تقليدية بالبيت او دون الحاجة للفحص تخبرني مع اني اقنعتها بروحة الدكتووور لكن الحياااء وشو يسوي ...
ادخل في الموضوع على طول ...
واعذورني على بعض الكلام ...
بس مجبووورة والبنت قلتلها مالج غير بنات حوا بعد الله ...
فياليت تبيضووون الويه ^^
صديقتي هذه الله يسلمكن تقول من اسبوع وهي تقضي حاجتها لاحظت خروج شوية دم بس كان لحاله يعني مب مع البـراز(وانتو بكرامة )
وبعدين حست كنه في شرات وخز عند فتحة الشرج ولما شيكت شافت مثل شق مقابل فتحة الشرج من تحت .. مو في دائرة فتحة الشرج لاااا تحت فتحة الشرج من برا ..يعني شكله مثل فتحة او ثقب بس تحت فتحة الشرج بالضبط يعني كنه
صار عندها فتحتين
فتحة الشرج وفتحة الجرح بشكل طولي :ohmy:
المهم هي طنشت لأن على كلامها مافي اي الم بالعكس كله مثل حكة خفيييييييفة وبدت تستخدم مرهم ميبو للجروح والحروق على اساس يعالج الجرح ويرووح ...
بس من يومين وهي تقضي حاجتها حست بشوي وخز وبنفس الوقت شافت شويات دم ...
ولما شيكت لقت ان صار في شق آخر لكن فوق فتحة الشرج ...يعني اللي يشوفه يحسه ثلاث فتحات ...><
شكله وااايد غلط ..
عاد انا قعدت ادور بالنت معاها
عاساس نشوف شرح لحالتها ....فلقيت وااايد مواضيع تشرح الحاله على اساس انها ما يسمى بالشرخ الشرجي او الشق الشرجي ...
وعلى اساس من اعراضه الم شديد مصاااحب لنزيف دم و امساااك شديد و ممكن توصل للالتهاب وتقيح ...
بس هي تقووول مافي ابد من كل هذا
يادوب مرتين نزل من فتحة الشرج شوية دم وهي تقضي حاجتها وتحس بشوي وخز لا اكثر ...
واللي فهمته دم بسبب الجرح يعني مو من داااخل .
و قريت ان من اسباب الشرخ الامساك الشديد ..
بس هي تقول ماكانت تعاني امساك قوي او دائم يعني نادر لما ما تشرب ماي واايد ...
بس كانت تروح الحمام متأخر او تأجل الروحة ...ممكن يكون هو السبب
و اللي استنتجته بعد من اللي قريته بالنت قلة الحركة والجلوووس لفترات طويلة فاعتقد هو السبب بحكم انها موظفة وشغلها مكتبي فيطلب تقعد لساعات ..
و الشي الثاني ممكن قلة اكل الالياااف ...
على العموووم
قريت ان لعلاج المشكلة لازم تكثر شرب الماي واكل الالياف بس الللي فهمته ان هذه الامور بس تخفف الامساك اللي هو سبب الشرخ عشان لا يتوسع زيادة او تتفاقم الحالة ؟؟؟
بس هي تبغي حل عشان يلتئم الجرح يعني الفتحات اللي طلعت لها تبغي انها تطيب وتلتئم ويرجع كلشي مثل ما كان ...
قريت من ان في علاج ... بوتكس وعلاج ليزر لالتئام الجرح ...
بس هي ماتبغي تروح للدكتور بالاساس ...
ميتة حيااا ..
في وحدة منكم مرت بنفس حالتها او تعرف وحدة مرت بنفس الحالة وقدرت تعالجها بطرق تقليدية او حتى مراهم من الصيدلية بدون ما تروح عند الدكتور ...
افزعووولها البنت نفسيتها متدهورة وصارت تخاف تروح تقضي حاجتها خوف ان الجرح يزيد او تطلع لها فتحة ثالثه لا سمح الله ....
وصارت ما تاكل تجنبا لروحة الحمام ...اتريااااا ردودكم ....:pinklove:
الطب موجود للعلاج ماله داعي الحياء حالتها مو حاجه تجميليه بالعكس متطلب صحي وضروري كمان في مجال تروح لدكتوره وبكذا الاحراج حيكون اخف افضل من انو الحاله لا سمح الله تتفاقم ...
اول مره اسمع عن هالحاله الله يشفيها ويعافيها