بسم الله الرحمن الرحيم
السلام عليكم ورحمة الله وبركاته
بصراحه انا من رواد هذا القسم وبكثره وماعمري شاركت بحاجه لكن هالمره حبيت نتشارك بشي مفيد يعود بالفائده علينا في الدنيا والاخره
الكثير لاحظ في هذا القسم ان اغلب المشاكل مع اهل الزوج والزوج
طيب انا بعد تحليل وتمحيص في مجتمعي ومجتمع البعض وجدت ان اكثر مشاكلنا من الجهل أعاذنا الله واياكم منه
بتقول لي وحده انا خريجة جامعه والثانيه معها ماجستير <<< لايكثر بس :D
اللي اقصده مو انك معاك الشهاده الفلانيه ولا مامعاك
اللي اقصده ان الجهل بالتطبيق وعدم العمل بالعلم والجهل بما يجب علينا فعله
طيب مالاحظتوا شي ثاني في مجتمعنا اكثر مشاكل الحريم من الفراااااااااااااااااااااااااااااغ
برضو بتجي وحده وتقول والله انا طوول الوقت اشتغل ببيتي ولا ني فاضيه احك راسي والثانيه بتقول عندي دوام ولا مدرسه
بس مو قصدي كذا !!!!!
قصدي عندنا فراغ امممم ماادري وش اسميه بس ودي اسميه فراغ فكري احسه مناسب مررره
الفراغ الفكري هذا هو اللي يخلي الوحده لو انها مشغووووووووله بس يخلي :
فلانه تحسد صديقتها
ويخلي الجاره تتجسس على جارتها
ويخلي الزوجه تسيء الظن بزوجها
ومرة الولد تكيد لخالتها
واخت الزوج تغار من مرت اخوها وهكذااااااااااااااااااااا..................... الخ
لاننا فارغين فكريا ماعندنا شي يشغلنا مخنا ولا عقولنا الا هالناس !!!! والشيطان مايقصر عاااااد:(
الحين ترى هذي مقدمتي مابعد جينا للموضوع <<<<< ياكثر حكيها :09:
فكرت وفكرت وقلت وش رايكم يابنات يافكورات نشغل مجتمعنا بشي مفيد وذلك لعدة أسباب :
1/ ننتشل مجتمعنا من هذا الوحل والجهل والفراغ ليرتقوا دنيويا يعني نكون سبب بعد الله في ان هالمجتمع يتغير على الاقل ينشغل فكريا بشي مفيد
2/ وهو الاهم ولااااابد من النيه والنيه والا كانت وبالا على صاحبها ان نبحث عن الاجر الاخروي في هذا المجتمع بدلالتهم على الخير والدال على الخير كفاعله
3/ اللي تحس انها غير محبوبه من اهل زوجها او غير مرغوبه باذن الله بعد هذه التجربه والاخلاص فيها راح تتغير نظرتهم لها ونظرة زوجها وحتى هي راح تكون واثقه من نفسها بعد هالعمل
4/انتي راح تبدعين وتنشغلين عن المشاكل وتحسين بروح جديده ونشاط وحيويه كونك صرتي منتجه ويعتمد عليك وخاااصه انه فعل خير ستجدين الناس يتسابقون عليه والناس يحبون الخير ولله الحمد وان كان الشيطان حريصا على غوايتهم !!
يمكن فيه فوائد اخرى ماقدرت احصيها لكن ثقي باذن الله انها ستنعكس لصالحك باذن الله بس اهم شي النيه والاخلاص
طيب بتقولون ايش هالعمل اللي مقدمته هذي !!!!
العمل هو ((((فكرة سلسلة البرامج الاسريه )))
كيف ؟؟؟؟؟؟
بقول لكم فكرتي سبق سويتها مع اهل زوجي لكن بصراحه مالقت النجاح ولكنها نجحت عند اهلي
((لم تنجح لاني كنت تلك الفترة مشغوله باطفالي وزوجي كان مشغول وتوقعت ان بيكون فيه حماس لكن اهل زوجي بطبيعتهم متلقين يعني بيشاركونك بس مايبدأون الا بالحث ،، اهلي ماشاء الله تبارك الله حماسيين واقاربنا كذلك لهذا البرامج عندنا متعددة الاشكال والطرق والمسابقات لها سنوات ماشاء الله لانهم حماسيين وكل عائله تحث الاخرى))
الفكرة اللي سويتها كالتالي :
قمت بدعوة اهل زوجي في بيتهم لانهم مايحبون يجتمعون الا في البيت الكبير عادي جمعتهم اللي كل خميس وقلت لهم نبي نسوي اجتماع وحركات بس المطلوب منكم عمل طبخه للعشاء عشان تصير العزيمه قطه <<خخخخ عازمتهم على عشاهم :22:
طبعا جهزت المسابقات والمسجل وبعض الفوائد وكانت المسابقات اكثرها حركيه واجتمعنا وانبسطنا واعجبهم مرررررررره مره وفي النهايه اعلنت عن حفظ مقطع بسيط من القران بس ماحد تحمس لاني ماكتبت ايش الجوائز <<<في البدايه عشان نكسبهم لازم شوية هدايا تحمسهم مثلا شحن بعشره لكل متسابقه وتصير المسابقه على كتيب ولا حفظ سورة من القران علشان يتحمس الكل
المهم ان فكرت المسابقه ان العمل يدووووووووم (( احب الاعمال الى الله ادومها وان قل ))
يعني لاتتكلفوا بالمظاهر والهدايا ثم تتركوها كلها لا لأن مو هدفنا مادي اهم شي نشغلهم دينيا ودنيويا
طيب انا بعد ماقلت لكم اللي عندي ابغاكم تساعدوني واساعدكم ويكون الموضوع هذا مثل الدليل للي تبغى تفيد وتستفيد
××× اقترح على المشرفات تثبيت الموضوع ليعود بالفائده على الزوار والعضوات
طبعا بما ان الاجازه قربت فأنا حابه ابدا المشروع هذا من جديد وبعزيمة تفل الحديد باذن الله واهم شي زوجي الله يوفقه واقف معاي لانه يحتاج ميزانيه تقريبا ماتتجاوز 300 ريال<<< طبعا كل وحده ومجتمعها انا مجتمعي بسيط وعادي بنبدا ونشوف :)
قلنا راح نبدا بالاستعداد قبل الاجازه بأفكار حلوه مثلا بسوي دعوه عن طريق رسالة الجوال وبيكون فيه مسابقه لافضل طبق كل عائله تطبخ طبخه وتقسمها قسمين للرجال وللحريم ونرشح الافضل
بيكون فيه مسابقات حركيه والعاب للاطفال
بيكون فيه مسابقه لحفظ سور معينه من القران مثلا الابتدائي اخر ايتين من سورة البقره+اية الكرسي + اذكار الصباح والمساء
الكبار مثلا حفظ سورة الملك + اذكار الصباح والمساء
وش رايكم يابنات بالفكرة ؟؟؟؟
ووش رايكم عندكم اضافه علشان تساعدوني ويكون لكم اجرها واجر كل من عمل بها الى يوم القيامه ؟؟؟
وياليت كل وحده عندها فكرة لملء اوقات حمايلنا بالمفيد تكتبه هنا ليكون مرجع للجميع
اتمنى من كل وحده ترفع الموضوع ولو بدعوه حتى تستفيد الاخوات
(((((((اللهم اجعل عملنا خالصا لوجهك الكريم ))))))))))
@فيافي@ @fyafy_9
محررة فضية
يلزم عليك تسجيل الدخول أولًا لكتابة تعليق.
مر ة سويتها مارجعنا من البر الا الهدايا بالأرض مرمية بالأرض وهي ماهي خرابيط كلا على مستواه
من اواني منزلية ولعب اطفال وتحف ياحسافه عليهم بس فيه ناس ماتستاهل الا تبن مافيه حيله دبلماسيه ماجربتها وصبرت وسعت صدري لكن آه آه
من اواني منزلية ولعب اطفال وتحف ياحسافه عليهم بس فيه ناس ماتستاهل الا تبن مافيه حيله دبلماسيه ماجربتها وصبرت وسعت صدري لكن آه آه
فكرررررررررررررره حلوووووووووووووه
بس منو إللي يقدر هالشي
لوأسويها يفرحون ويستانسون وبعدين خلااااااااااص ولكأن صار شي
يعني مايشجعون أبدددددددد
ولا راح يكروروها معاي بعدين
بس منو إللي يقدر هالشي
لوأسويها يفرحون ويستانسون وبعدين خلااااااااااص ولكأن صار شي
يعني مايشجعون أبدددددددد
ولا راح يكروروها معاي بعدين
فكره حلوه لكن ماتنفع كل اسبوع تصلح بالمناسبات مثلا الاجازات والاعياد وكذا
وانا متابعه معكم
معليش الحين فيني نوم لكن ان شاء الله لي رجعه
وانا متابعه معكم
معليش الحين فيني نوم لكن ان شاء الله لي رجعه
@فيافي@
•
مشكورين للي ردوا
فعلا فيه ناس ماتقدر بس لازم نصبر شوي ونحاول بطرق ثانيه ممكن فكرة المسابقه الكتابيه اللي يحلونها بالبيت يمكن تحمسهم مثلا
وطبعا الفكرة ماتصير كل اسبوع لاااااااااا
مثلا المناسبات في بداية الاجازه وفي نهاية عطلة اخر السنه وبدايتها
في رمضان مثلا وعشر ذي الحجه يعني لها مواسم واحتسبي الاجر وان شاء الله بيتعاون الجميع او على الاقل بيتعاون لو ثنتين معك
الله يوفق
فعلا فيه ناس ماتقدر بس لازم نصبر شوي ونحاول بطرق ثانيه ممكن فكرة المسابقه الكتابيه اللي يحلونها بالبيت يمكن تحمسهم مثلا
وطبعا الفكرة ماتصير كل اسبوع لاااااااااا
مثلا المناسبات في بداية الاجازه وفي نهاية عطلة اخر السنه وبدايتها
في رمضان مثلا وعشر ذي الحجه يعني لها مواسم واحتسبي الاجر وان شاء الله بيتعاون الجميع او على الاقل بيتعاون لو ثنتين معك
الله يوفق
الصفحة الأخيرة
رزقك الله الزوج الصالح