كوبونات الراقية تسجيل الدخول

العووشزية
العووشزية •
فكره رائعه
وتروادني كثيراا
سهل الله أمورنا
@فيافي@
@فيافي@ •
عنفر عنفر :
ممكن اضافة اساله على نمط (انت مع ام ضد ؟؟؟)وجيبي مشاكل من القسم وحلين لها واحد صح والثاني غلط وبعدها شوفي الردود ..........ارجو اني افدتش كما افدتينا .........ولكن لي وقفه :بعض الاسر لاتتقبل هذه الافكار على طول فتلقينهم يتجهون الى غرفهم وتركش وحيده مع الاطفال لاكمال مشروعش الذي بداتيه وانا وحده جربت نوع من نوع الافكار اللي قلتيه ,,,؟؟؟اليس ذلك شيء يقهر وتحسين ان مالش موقع على الخريطه ؟؟؟هل حصل لش موقف كهذا خصوصا ان الناس اللي تتعاملين معهم ناس جاهلين ومستويات تعليميه متفرقه !!!!!!!!!!!!!!!!
ممكن اضافة اساله على نمط (انت مع ام ضد ؟؟؟)وجيبي مشاكل من القسم وحلين لها واحد صح والثاني غلط...
هلا عنفر فكرة اضافة سؤال انتي مع ام ضد حلوه يمكن علشان تعالج بعض الامور اللي منتشره وتساعدنا احنا ياللي ننتقد اشياء كثيرة ومو قادرين نغير او نتكلم !!!

بالنسبه للاسر اللي تخليك وحيده مع الاطفال وكذا بصراحه ماعمرهم واجهوني لكن جربي مثلا قبل اعداد البرنامج انك تهيئينهم له مثلا تقولين وش رايكم نسوي برنامج كله مسابقات وحركات واذا كانوا مايميلون للدين مثلا فلا تجيبين اشياء كثيرة عن الدين حتى يتقبلوا افكارك وبعدين يتقبلوا كلامك

يعني اول شيء نهيئهم بالكلام وناخذ اقتراحاتهم يمكنهم ناس يحبون تشاورينهم ولا يحسونك متميزه عنهم فيه ناس كذا

نحاول نبتعد عن المواضيع اللي تنفرهم لان هدفنا اول شي نكسبهم يعني مثلا مانطرح موضوع القصير ولا البنطلونات والفتاوى فيها مباشرة بيحسونها تجريح لهم خلي اول اجتماع مسابقات وتعليقات وفيه مشاركه من الصغار والكبار ممكن مثلا تقسمينهم فريقين وتطلبين منهم المشاركه في الالعاب الحركيه وكل مره تحسبين نقاط كل فريق وتحمسينهم بالكلام وخلي النصايح مثلا في ثاني ولا ثالث لقاء ولا منشورة تتوزع يمكن تكون احسن كذا علشان ماينفرون منك ومن الاجتماع

الله يوفقك لكل خير ويسدد خطاك :26:
@فيافي@
@فيافي@ •
أميرهـ بجمالي أميرهـ بجمالي :
حلوه افكاركم لكن تصلح مع الحموله الكبيره واللي عندهم اطفال كثير اما انا اهل زوجي 3 اشخاص ولا يوجد اطفال يعني مالنا الا السوالف طيب ماعنكم افكار للي مثل حالتنا
حلوه افكاركم لكن تصلح مع الحموله الكبيره واللي عندهم اطفال كثير اما انا اهل زوجي 3 اشخاص ولا...
بالعكس مين قال لك انها بس للحموله الكبيرة حتى الصغيرة تنفع لها بس بطريقه ثانيه على الخفيف مثلا وانتو جالسين تجيبين منشوره تتكلم عن فوائد الاذكار والتسبيح وتقرينها وتقولين كل ذكر وفايدته

ممكن تطرحون موضوع عن فائدة الاستغفار وقصص حصلت اللي حملت واللي ربي رزقهم بعد ماكانوا فقراء واللي فرج الله همومه وكذا يعني كل وحده تجيب قصه ولا تعلق على الموضوع

ممكن انك تسوين اساله طريفه وتحطينه بعلبة وكل وحده تسحب ورقه وتسأل الثانيه اللي جنبها وهكذا (( مثل الحركات اللي تصير في قسم الواحه الترفيهيه))

ممكن يصير بينكم حفظ للقران كل اجتماع تسمعون 4 ايات ولا وجه على حسب

المهم القصد نستفيد بدل مانجلس نسولف ونجتمع على قيل وقال ولا حش وغيبه خليها في فايده

وفيه حديث عن الرسول صلى الله عليه وسلم (( من جلس مجلسا لم يذكر الله فيه كان عليه تره )) يعني وبالا وندم !!

فالعدد مايمنعني عن الخير :26:
@فيافي@
@فيافي@ •
النصف الآخر النصف الآخر :
والله لي فتره افكر بهذا الموضوع ..ودي اسوي مسابقات العاب عروض باوربوينت فلاشات.. بس اني من النوع الخجول نوعا ما .. ولا احب تكون الانظار مركزه حولك .. يدي بيدك وان شاء الله احاول ..
والله لي فتره افكر بهذا الموضوع ..ودي اسوي مسابقات العاب عروض باوربوينت فلاشات.. بس اني من النوع...
الحمد لله ان حبنا للخير موجود بدواخلنا وترى هذي نعمه من الله


وترى مثل ماقلت لك اول شي تنحرجين وانا مثلك مااحب احد يركز علي بس احاول اندمج بالبرنامج ومااركز على خجلي وتلعثمي لان كل واحد ممكن يكون في مكانك بيتلعثم فتقريبا الناس اغلبهم كذا فلاتسوين مشكله ويمنعك هذا عن الخير اللي بتسوينه وبعدين انا الاحظ ان الخجل والارتباك بس اول ماابدا يمكن اول خمس دقايق وحاولي انك ماتخلين الناس يركزون عليك مثلا ابدي بالالعاب وجيبي بنات يتسابقون وكذا الناس ماراح ينتبهون وفي نفس الوقت انتي كسرتي الخجل والارتباك


بس بعد عندي لك فكرة حلوه وش رايك تسوين منشورة منوعه وخفيفه وتكتبين كل اللي تبينه وتصور وتوزع وممكن تضيفين لها فكرة المسابقه اللي نقول حفظ قران ولا احاديث واذكار يعني عشان ماتتكلمين

وتطلبين من وحده من اخوات زوجك ولا سلفتك ولا اي وحده تمونين عليها وجريئه انها هي تقوم بالمسابقات الحركيه حتى يكون تعاون ويروح عنك الخجل

الله يوفقك وييسر لك ويدي بيدك :26:
@فيافي@
@فيافي@ •
@احب الصدق@ @احب الصدق@ :
جزاك الله كل خير أفكارك رائعه وأقدر أطبقها عند اهلي وبس أما أهل زوجي جلستي عندهم ماتتعدى ساعه ساعتين بالكثير يحبون الإختصار
جزاك الله كل خير أفكارك رائعه وأقدر أطبقها عند اهلي وبس أما أهل زوجي جلستي عندهم ماتتعدى...
واياك شكرا على المرور



واياك شكرا على المرور



مافهمت قصدك الناس مايتقبلون !! بس الانسان فيه حب للخير مغروس داخله ويختلف طريقة تقبل الاخرين للاشياء بس



اذا تيسر لك تطبيقها عند اهل زوجك فشي حلوووو وبتلقينه في صحيفة اعمالك يوم القيامه وينشر المحبة بينك وبينهم ويبعد المشاكل اللي منتشره مررره بين العوائل وترى الاعياد وقت مناسب لها الاشياء مررره حلووو والناس يدورون الترفيه مو لازم كل اسبوع خليها كل سنه 3-4 مرات ادومه وان قل

وفقك الله :26: