انا صارلي اسبوعين تقريبا او اكثر شوي اشرب حلبه كل يوم... واللي لاحظته..


ويهي متن شوي بس انا ما متنت حساافه لكن الحمدالله متناسقه ..

شعري بعد شوي طول...

عندي شوي بقع على اطراف ويهي تحت الاذن هذيل بدو يخفون ..

جسميي بدا ينور او يفتح ماادري المهم انه بدى يتحسن...

احس بطااقه وقوه مع اني كنت واايد اتألم من عظامي..بس واايد احس اني ابا ارقد فاخذها قبل النوم

وهي واايد زينه لفترة الدوره ما حسيت بالامها نفس كل مره يعني شوي خففت الالم..

بصرااحه انا كنت اشربها بروحها ومحد شم علي ريحه حلبه...بس من باجر انشالله بجربها وي النعناع

افود اكييد وبعد للأحتياط.. اخااف يشمونها وانا مادري.. مع انه اهلي صريحيين لو شمو شي بيقولون لي اكييد

صح نسيت اقول لكم شي اخيير... ظروسي يا بناات (اسناني) احس انهم تقوو بعد .. والله.. لووول

الأخت صدى الأمواج حياتي عذريني على التأخير
بالنسبة لسؤالج طريقتج اللي كتبتيها صح100%
هذي الأفود والأضمن لكن أنا كاتبة الموضوع للبنات اللي ما يبون ريحتها تبين ..
الله يشفي الوالد ويقومه لكم بالسلامة ويخليه لكم

تسلمين يا غاليه

بنات كيف تشربونها وي الحليب؟؟؟؟

انا مره حطيت حلبه في الحليت لاعت جبدي من الريحه وماقدرت اشرب حليبتي...

وشو احسن وقت لشرب الحلبه؟؟ الصبح ولى العصر ولى قبل النوم؟؟

وبالنسبه للريحه اشربوو مااي واايد واتسبحو مرتين فاليوم.. وافركو ابطيكم بليمونه
أو حطو مزيل لرائحة العرق...

محد فيكم لاحظ انها تخفف شعر الجسم؟؟؟ مب تزيله لا تخفف اللون يعني تعرفون من الحلاوه
والموس لون الشعر يسوود زياده فهل هي تخفف اللون ولا ماعندكم فكره؟؟؟

يوم الاحد بكمل شهر وانا اشرب الحلبه.. وبصراحه كل مايمر الوقت كل ماتزيد الفوايد لوول..

انا بتم اشربها 3 شهور وعقب ببدأ اخفف... لأن اختي سمعت في قناة سمارت اظن ان لو
تستمرين عالحلبه 3 شهور تكبر الصدر.. وانا احب المليانات احس احلى لوول
مدري شو يخليكم تبون تظعفوون.. زمن الرشيقات ولى.. حلاته يوم البنت مربربه بس مب متينه ^_^