.:. شاكره مروركم الكريم خواتي ......ولي عوده ان شالله لمناقشه الموضوع.:.

بصراحه انا لي الحين اتابع الرسوم المتحركه والاحظ بعض المرات يحطون لقطات مالها داااااعي


ومرات الللبس يكون ماله داعي كلـــــش


بس تعلمت بصراحه أشياء زينه من الرسوم مث الامانه والصدق " اتكلم من صج "


واحس اني لي الحين متاثره فيها خخخخخخخخخخخخ


يعني مثلا تعلمنا اشلون نتحدى انفسنا ونوصل للي نبيه


وبـــــس

مشكوره <<أختي حارقتهم على اثارت هالموضوع الي بالفعل الكل غافل عنه ولا حنا مدركينا مدى خطورته
ولو سمحتي اختي حارقتهم ودب ارد على بعض الأخوات الي يشفون ان كلامك مبالغ فيه...
خواتي الغاليات الي كل وحده تقول حنا شفنا رسوم في صغرنا ومانأثرنا فيه::
بالفعل يمكن انا وانتي يالي تذكرين هالشي واختي حارقتهم واخريات مااثر فينا بس فيه منا البعض الي اثر فيهم والدليل ماذكروه بعض الأخوات...
والكل منا يعرف بسالفه(سوبرمان القطيف)الي صارت في السعوديه وهو طفل في عمر الزهور رمى نفسه من أعلى سطح منزله؛؛::<<<والسبب سوبرمان
وبعدين يأخواتي والله حتى صاروا الغرب يتفنون اكثر ويزيدون من بث خبثهم عبر هاالافلام كرتون ولو بتلاحظون راح تشفون الفرق الشاسع بين افلام الكرتون الي على عهدنا وبين اللحين
وحتى يأخواتي انتبهوا الى اشرطه البلاستيشن<<وكل اصدار جديد يطرحونه واخرى صرعاتهم اشرطه احرب فتنام وحرب الخليج واخير حرب العراق ومناظر الدم والاسلحه مافكرتوا للحظه وقعها على نفوس فلذات اكبادنا
عموما هذه وجه نظري وانا احترم وجه نظر الأخوات ولكن فكروا واعيدوا النظر بما كتبتهم وبحجم المشكله فكلام الأخت حارقتهم لايوجد به اي شي من المبالغه وتظخيم الموضوع..
اشكرك ياحارقتهم في الختام على اثارت مثل هذا الموضوع الهام
ودمتي
ضيم

السلام عليكم
الله يعطيج العافية اختى حارقتهم على الموضوع الروعة صج موضوع يستحق النقاش انا عندى ابنى متاثر بقصة الفار والقط ويتمنى يصير نفسهم

جزاك الله حارقتهم ..

الموضوع خطير جدا بالفعل .. ومن المؤسف ان اغلب الناس يتساهلون في هذا الامر ... لان الطفل سهل التشكيل بل انه يمكن ان يعيش بقية يومه ويتصور نفسه الشخصيه الفلانيه ( كرتونيه )
ومع ان تاثيرها قد يكون وقتي اي ان الطفل ينساها بعد ان يكبر .. لكنه في الحقيقه لم ينسها .. وتخزنت في نفسه واثرت على شخصيته ولو بطريقه غير مباشره ..

هذا اذا لم يكن مفعولها سريع وتكون ردة فعل الطفل سريعه .. مثل الطفل الذي رمى بنفسه من بناية ظنا انه سيطير مثل سوبر مان ..

ومع اختلاف الرسوم المتحركم القديمه عن الجديده يكون الخطر اكبر واعمق .. فهي اكثر اتقانا واكثر جذبا منها في الماضي .. واصبحت لها قنوات متخصصه .. واصبحت تطرح بشكل مشوق ..

وبدأ الالحاد يظهر فيها بشكل واضح ( الديجتال . البوكيمون . وغيرها )
باختصار هذه الرسوم تؤثر بشكل سلبي على الطفل ..

على عقيدته ... يرجع كل الامور الى اسباب ماديه او اسباب وثنيه ..

على سلوكه ... فاغلب الرسوم فيها حبيبان او عشيقان . من بباي .. ميكي ماوس .. الى سندباد وصولا للافلام الحديثه ...

على علاقته بوالديه ... فاغلبها تصور الاباء على انهم يقفون ضد رغبات الطفل وسعادته ...

على علاقته بنفسه ...علاقته باخوته .. علاقته بمجتمعه ...

والنتيجه الان واضحه ... لماذا التغير في السلوكيات لدى الجيل الصاعد من الشباب والمراهقين عن المراهقين قبل عشرين سنه ؟؟

ان اول العوامل التي اثرت على مجتماعتنا بطريقه مزريه هي الفضائيات .. فما ان يولد الطفل حتى تتلقفه الفضائيات ... من رضيع .. الى طفل .. الى مراهق .. الى شاب .. الى زوج ... الى اب

فلا حول ولاقوة الا بالله ...

وسااسرد لك تجربه مررت بها ... طفل مشاكس .. فوضوي ... كثير الحركه .. سريع العصبيه ... يسبب الكثير من المشاكل ..

وتغير حاله بدرجه كبيره بعد ان احضروا اهله له قناة المجد الفضائيه للاطفال .. اصبح يعرف الادعيه اليوميه .. واصبح اكثر احتراما لاهله ولمن حوله ...

فالطفل عجينه سهلة التشكيل ...

( مامن مولود الا يولد على الفطره فابواه يهودانه . او يمجسانه . او ينصرانه ) صدق رسول الله صلى الله عليه وسلم ..

سانقل موضوعك لقسم الطفل لانه المكان المناسب ...