السلام عليكم خواتي ورحمه الله وبركاته
اسال الله العفو والعافيه اسال الله اللطف بنا يااااااااااارب العالمين الله لا يوري حد مكروه في عياله يارب
طبعا انا كتبت من قبل موضوع سابق وشرحت فيه حاله ولدي وانه خديج مولود قبل يومه والحمدلله على كل حال
والحمدلله بعد شهوووور من الانتظار ربي كتب له يطلع بعد الحاح واني متكفله فيه باذن الله لكن مازالت مشكله الحليب وانه يرضع ما تمكن منها الولد وطلع والتيوب في خشمه يعني بيب الحليب عشان ياخذ حليبه
المهم يا بنات
اليوم بعد العصر عطيته للابوه وقلت له امسكه ثواني واول ما ابوه مسكاه الا الولد مزرق !!!!!!!!!!!
يقولي ابوه مزرق قلت لا بخير ما فيه شر مافي غير ثانيه وحده والولد بدا يسود يااااااااااااااااااااااااااااااااااااااااااااالله والله العظيم ماقدر اوصف لكم هول الموقف الى كنت فيه فكيت قماطه امسكه اركض فيه ع الصاله الولد ما يتحرك
ابوه قام يركض يلبس مثل المجنون وانا احرك في الولد الولد مافي قااااااااااااااطع النفس اسم الله على قلبه
ماشوف غير ابوه يصرخ يقولي يلالالااااااااااااااااااااااااااااااااااااااا وانا اركض ع الباب مثل المجنونه حافيه بملابس البيت وتاركه ولدي الثاني يبكييييييييييييييييي ع الارض والثاني بين ايديني مثل العصفور يااااااااااااااااااااااااااااااارب رحمتك واصرخ ع الخددامه روحي شوفي الولد واركض ع باب الشارع واركض ع السياره انا وزوجي وزوجي يسوق مطيررررررررررررررررر والولد بين ايديني احركه احركه ما يتحرك سم الله عليه ياااااااااااااااااااااااااااااااااااربي رحمتك كانه مات اسم الله عليه اقسم بالله ايديني ترجججججججججف وعيوني تصب بروحها الحين لين ذكرت الموقف سم الله عليه ما يتحرك ابوه يصارخ يقول سوي له انعاش انفخي في فمه وانا اصيح وابكي ولدي ماما ماما رد علي ماما كلمني ولدي حبيبي كلمني يااااااااااااااااااااااارب الطف بينا يارب لين مسكته وانفخ في فمه سم الله على فؤاده والولد مافي ما يتحرك قمت ادق على ظهره قمت انفخ ثاني احرك عند قلبه الا شوي اسمعه ياخذ نفس خفيفففففففففففففففففففففففففف جداااااااااااا وحرك عيونه ثانيه ورد قلبهم كانه يودع يااااااااااااااااااااااااااااا عمري عليه قمت اصيح اصيح اصيييييييييييييح قلت ولدي خلاص ويمر على عيونه شريط معاناتي مع هالولد وظروف ولادته وانه قاصر بو سبع شهور وكل شيء وهوتوه طالع بس له كم يوم
واول ما وصلنا المستشفى اركض ع الطواري واركضضضضضضضضضضض والناس كلها تشوفني بلبس البيت وحافيه واركض وزوجي يركض وراي وحرمه تصرخ فيني وتقولي تنفس في فمه تنفسي في فمه وانا ادور بعيوني ع غرفه الانعاس لين وصلت والدكتور يقولي حطي البيبي حطي البيبي حطيته وانا ابكيييييييييييييي ومب مستعوبه شيء لين قامو بسرعه بسرعه حطو له اكسجين وانعشووووه والولد صرخ صرخه وقام يبكي ياااااااااااااااااااااااالله ما ارحمك يالله ما اعظمك ولدي شاف الموت ياليته فيني ولا فيه ياليته فيني ولا فيه يااااااااارب خذ من عمري وطول بعمره يااارب
وبعد كل الحوسه الى كنا فيه ما لقينا غير الدكتور يقول الولد ما قدر يتنفس لانه البيب انسد من المخاط وافرازات الخشم وما قدر ياخذ نفس لانه خشمه مسدود وشوي شوي بدا يرجع لونه الف الحمدلله يارب
وانا خلاص رجولي ما تشلني من الخوف والتعب والصدمه وقعدنا عنده لين خلص كل الاجراءات وكتبو له تنويم في المستشفى مره ثانيه
اللهم لك الحمد كما يليق لجلال وجهك وعظيم سلطانك اللهم لك الحمد حمدا كثيرا اللهم لك الحمد حمدا لا يحمد سواك عليه ياااااااااااااااااااارب خلي لينا عيالنا واهلنا واحفظهم من كل ضر وكل شر يااااااااااااااااارب طول في عمر عيالي وخليهم اصح واسعد الناس يارب طلع لي ولدي بالسلامه وسهل علاجه وشفائه يارب العالمين
اكتي لكم الحين وانا مازلت في حاله صدمه وخووووووووووووووف ورووووووووعه على ولدي عقب الى شفته بعيني اليوم
ادعووووووو لولدي وانتبهو على مواليدكم الرضع الله لا يوريكم ولا يورينا فيهم مكروه يارب العالمين
وفي اي وحده جالها طفل رضيع بو سبع شهور كان يتنفس من فمه ؟؟؟؟ فيديوني وادعولنا لعل الله يكتب لكم فيها الاجر
الحمدلله على كل حال اللهم لا تاخذونا بذنوبنا واعف عنا واغفر لنا وارحمنا واشف ولدي شفاء تماما يارب العالمين.
يلزم عليك تسجيل الدخول أولًا لكتابة تعليق.
الصفحة الأخيرة
احلى عريس
استودعيه الله اللي ماتضيع ودائعه