اخوات الحبيبات ونة خفووق, الامل المشرق ,غلا
اشكركن من اعماق قلبي علا هذه الردود التي اثلجت صدري
وفتحت الابواب امامي بعد ان ضاقت بي الارض


احمد الله على كل حال


جمعني الله واياكن في جنته

هذا الرد جاء من الاخت : remaah

مرحبا اختى
انا اول ما قريت موضوعج حبيت ارد عليج وعلى طول اشتركت في المنتدي علشانج
ما اريد اقولج اصبري والا توكلى على الله لاني ادري انج عارفه هل الكلام
وسامعتنه وايد والخوانت في المنتدي ما قصرن بس
حبيت اقولج عن تجربتي ويمكن اتساعج
الله يسلمج انا طلعلى حب الشباب بصوره فضيعه
يعني كانت ملامح وجهي ما تنشاف من كثر الحب الى فيه وبعد حب في ظهري وصدري
يعني ولله الحمد مشوهه وفي الوجه اول مكان يشوفه الانسان ( مب مثلج في
الرجول )

المهم وانا كنت اقول نفس كلامج اني ما رح اتزوج بس
ولد عمتى خطبني وهوه شايفني وانا وجهي كان مليان من الحب يعني مش حلوه ابد
بس هوه حب طيبتي وطبعي وما طالع على وجهي واولا واخيرا كله بيد الله
ولزم تحمدين ربج لان الحرق كان في رجلج وصدقيني الله ما ينسى حد وتوكلي على
الله وفي دعاء
(الهم اغنها بحلالك عن حرامك واغنها بفضلك عن من سواه ) تقولينه 111 مره
الصبح والمسى وانشالله يرزقج الله زوج صالح
ببركة هذا الدعاء تعينينه على الصلاحه ويعينج هوه على الصلاح بدوره
وسمحيلي لو طولت عليج الغاليه والله يرزقج الزوج الصالح

أختي لقاء

خلي ايمانك في الله قوي ، و لا تنسين قول الرسول صلى الله عليه و سلم : ( من اتكل على الله كان حسبه )

و لا تفكرين ابد في هذا

اختك :24:

الله يرزقك بالرجل الصالح يا رب
بعدين ما فكرتي تسوين عملية تجميل لرجلك لان الي اعرفه ان مجال التجميل صار واسع جدا الحين ...
و راح اقولك عن قصة شفتها بالتلفزيون ما تصدقين .. قصه بنت افغانيه جايتها حروق فظيعه جابو صورتها بعد الحروق ما تتخيلين شكلها ...... كان جلد الخدين لاصق بالصدر ... تخيلي ما تقدر ترفع راسها و لا حتى تسكر فمها الجلد مشدود جدا حتى بعد ما خفت من الحروق ظلت على هذا الحال .. و بعدين جابوها الامريكان لامريكا و سوولها عمليات تجميل ...... ما تتخيلين كيف صارت ... رجعت طبيعيه مررررره سبحان الله ... و الحروق كانت خياليه .. و في الوجه ... لدرجه ان بعض الجلد ابح غير موجود مثل جلد الرقبه مثلا .
الي ابي اقوله من هذه القصه انه ممكن تسوين عمليات تجميل لرجلك و اعتقد انها راح تكون سهله لان الرجل مو منطقه حساسه مثل البطن او الوجه ...

و بعدين فكري شوي هل كل المتزوجات في مجتمعك جميلات ... اكيد لا تجدين العرجا و السمراء و القصيره و الطويله و الي ما تسمع زين و الي ما تشوف زين و الي ما ما تتكلم زين ... صح و كلهم متزوجات .. و في نفس الوقت تجدين الجميلات الي ما ينقصهم شي ما تزوجو ... صح ... ليش لان الزواج قسمه و نصيب ...
ثم انت صغيره ليش تقلقين من الحين على الزواج ان شاء الله ربي راح يرزقك .. انا عرف وحده ايدها محترقه و متزوجه و عندها اطفال .. عادي ما ضرها و اليد تبان اكثر من الرجل .. و بعدين انت تحسين ان الحرق واضح يمكن لانك تفكرين فيه بس يمكن هو اثاره بسيطه و يمكن الناس ما يلاحظونه بس لانك حاطته في بالك تحسين انه كبير
نعوذي بالله من الشيطان و انتظري نصيبك و ان شاء الله يجيك الي يرضيك :17:

تعوذي من الشيطان الحين اكثر الرجال لما يتقدم للخطبه يعتمد على الراحه من ناحيتها ولايهتمون بالاشياء الصغيره اللي تقولينها والله ياعمري اعرف وحده كلها بهاق لكن زوجها مااهتم بالشي هذا لفت نظره حياها واخلاقها والحين ماشاء الله متزوجه لها 7 سنين فياعمري بطلي هالتفكير وشيليه من بالك وتحياتي :26: :26: :26: