لن استعين بخادمة إلا لو أصبحت مشلولة !!!

أسعد الله صباحك ..
ومبروك عليك قراراك الجديد , وعقبالي وعقبال الجميع يارب ( ما أظن اللي عندي ما يشجعون )
مثل ما قلتي البديل عن الشغالة هو الأجهزة الكهربائية وما شاء الله كثير من الأخوات اللي يملكون هذي الأجهزة استغنوا عن الخادمات ..
والأهم من كذا هو التعاون بين أفراد الأسرة يعني خلي كل واحد مسؤول عن شيء معين ..واللي يخرب حاجة على طول يصلحها .....
طبعا مهم جدا الجدول اليومي للشغل وعدم تأجيل الشغلة حتى لا يتراكم عليك الشغل ..
هذا اللي جاء على بالي ,,ولا تنسين عاد تخبرينا وش صار معك .
والله يوفقك وإيانا يارب .

الله يجبر بخاطرك اختي .


بنات :

الرجاء اكتبوا ما لديكم وانا بدوري ان شاء الله راح أدخل بس متاخرة وان شاء الله ساستفيد من كل التجارب ولكنني والله ليومين لن اتمكن من الدخول لسباب كثيرة .

صباح الفل مهى كيفك كيف صحتك

حبيت شاركك لالموضوع

اهم شيء هو تعملي جدول يومي لاعمال المنزل بعد شغلك
تحدديي كل شي

وتاني شي تعملي جدول اسبوعي شو الاعمال المدرجة فيه اسبوعيا

وجدول شهري تكتبي فيه شو الاعمال اللي لازم تعمليها بالمنزل كل شهرررر

هيك كل شي بكون منظم عندك طبعا ما تضغطي نفسك بالشغل انتي لانه بتشتغلي وشغلك مدة طويلة على حسب ما بعرف

فى بقسم الحلول المنزلية بقسم المواضيع المميزة موضوع مخصص لتنظيم جدول العمل المنزل للمرأة طبعا اللي ما بتشتغل انتي خدي فكرة عنه وبعدين حاولي تاخدي منه بعض الامور وادرجيها بجدولك

والله اشتقنالك مهى ديري بالك على حالك والولاد والله الحامي ان شاء الله

الله يوفقك يا مهى ويسعدك ويسهل عليكِ
والله اني فرحت وهذا افضل شيء تسويه وباذن الله ربنا راح يسهل عليكِ يا طيبه وان شاء الله باقي البنات يستفيدوا من قرارك الرائع وانا بشجعك عليه مره تانيه وبقوه :)

شوفي حبيبتي بالنسبة للطبخ شوفيلك يوم او ايام تكوني فيها فاضيه وتكوني متاكده انك فاضيه وجيبي مثلا كوسه صغيره للكوسه بلبن واحشيها باللحمه واقليها وخليها بره لحد ما تبرد شوي بعدين حطيها بعلبه بلاستيك وبالفريزر، بيوم ثاني تكوني فيه فاضيه شوي جيبي لحمه واعملي كبة وفرزيها شي بتقليه بعدين وشي بتعمليه مثلا كبه بلبن وهذي الاكلات اللي بالفريزر والله بتسهل عليكِ خاصه اذا اجا يوم وانعجئتي وطبعا في اكلات تانيه حسب اللي انتي بتحبيه
وكمان بالنسبة للاكل ممكن انك تجهزي بعض الاكلات بالليل وتحطيها بالبراد ولما تيجي بس حطيها على النار عشان تستوي او حطيها بالفرن عشان تستوي يعني ما تطبخيها بس طبقي الاكلة وحطيها بالبراد :)

بالنسبة للفريزر انا مثلك بفضل الفريزر القائمة اصغر واهضم شكلا وارتب مع اني ما عندي لانه البيت ما فيه محل شقتي صغيره (وبالنسبة للشقق اللي بدون نوافذ بيني وبينك شي بزهق وانا قاعده بشقة فعلا بحس حالي محبوسه بحب النوافذ الواسعه واللي بتنفتح بس معليش هيك العصر الجديد هههه) المهلم الفريزر العميقة الغير قائمة بشوفها غلبه ولو انها تسع اكثر بس غلبه لانه بتنحط الاشياء فوق بعضها وكل ما بدك غرض بدك تطولي اللي فوق كله فالقائمة ارتب.

بالنسبة لشغل البيت نظمي وقتك يعني هالشي بيعتمد على احساسك ونفسيتك مثلا هل إنت إلك جلاده وقدره على العمل على طول بعد ما ترجعي من الدوام او استريحي وبعدين ابدئي العمل مثلا المساء وشغل البيت لما بتكون شقه صغيره ما بياخذ وقت

وبالنسبة لشغل المطبخ بصراحه لو نظفتي كل شي اول باول ما راح يتكوم عليكِ اي شيء راح يضل مطبخك نظيف

وارتاحي من صرفية الخدامات لانه خدامة خالتي مجننيتها بتقول خالتي اللي كانت الشغاله اللي قبلها تصرفه من مواد تنظيف بثلاث شهور هاي بتصرفه بشهر واحد بتكب كتيررر من مواد التنظيف على غير فايده بس هيك ايدها فرطه بزياده مش دافعه شي من جيبها لو ببلادهم ما بصرفوا هيك ابدا كان حطة نقطه

هادا كل شي عندي لهلأ وبحاول ارجع بعدين واكتب لك اي شي بتذكره

:)

مشكورات يا حبايبي وانا فرحانة كتير انو ما حدا بدأ يشن هجوم .

لأنو الغلبية من مؤيدين الشغالات ................... سأقضي عليهم ................ ولو كان هذا آخر يوم في حياتي .