تدرون من كثر ماقدمت تبلد لدي الاحساس << حلوه تبلد عجبتني
يسعدكم ربي اضحكوا مثل ذا وراكم مكشرين وعاقدين حواجبكم افرِديها يا اخيه << كلمة افرديها تقراء بكسره تحت الراء << بتتصفق
الموهيم والاهم اننا اصبحنا نؤمن ان قرارات الوزارة الموقره عذاب واقع ماله من دافع الارحمة ربي .. تحمست الاخت بتلقي خطبه
كلنا نعرف حبيباتي قصة اصحاب الكهف وكيف ربي نجاهم ؟
يالله الي تجاوب لها هديه ( ثلاجه تبرد فيها اعصابها لحد الاعن الترشيحات ) << بالله سكتوها خخخخخخخخ
دائما الانسان لايتعلم الدرس الا في وقت متاخر ونتعلم الدرس افضل من وجهة نظري من عدم التعلم والمعرفة والتخبط في الجهل
التوسل لله بالاعمال الصالحه ,, اكيد يالغوالي كل وحده فينا لها عمل صالح تداوم عليه او لها خبيئه او نقول سوت يوم عمل لوجه الله وماكانت ترجوا من وراه الا رضى الله عز وجل
غالياتي هذا هو الآن الموعد ❤
هلموا بنا نتوسل الى الله باعمال عملناها خالصه لوجهه عز وجل حتى يكشف الغمة ويعطينا مانريد بفضله وكرمه .
يالله حبيباتي قوموا صلوا ركعتين لله واطلبوه وتوسلوا لله بهذا العمل قل او كبر والله وحده هو القادر والاهم الثقه واليقين بالله عز وجل
وان تدعين الله بقلب مليء بالثقه واليقين ان لاالوزارة ولاواسطة فلان او علان او حظ فلانه هي الي راح تجيب الوظيفه ,,, لان الي تكفل برزقك وانتي في بطن امك
عالم بكل شيء وبيرزقك طاااااااااااااااااااااااالت مدة الانتظار او قصرت .
تخيلو معاي حبيباتي ان هالترشيح مثل مسابقه في مول او مجمع تجاري لنفرض ان واحد شرى من كل المحلات عشان يحصل على كوبونات ويزيد فرص ظهور اسمه
وواحد حط كوبون واحد بس كتب عليه اسمه ونزله بصندوق السحب وتوكل على الله
فاز راعي الاسم الواحد والي صار له كم يوم يلف ويدور ويجمع بها القسائم مافاز وش بنقول ؟
حظ ؟
واسطه ؟
الا هو رزق ربي كتبه له وقال في هاليوم الفلاني فلان راح يحصل على هالشيء فلا اجتهاد صاحبنا الاول وصله للي يبيه ولاكوبوناته الي وصل راعي الكوبون الواحد
لانه توكل على الله والي وصله وعطاه بيوصل الي ماعندها خبرات والي ماعندها دورات وحتى لو توها متخرجه هذا رزق ياحبيباتي
" واعلم على ان الامه لو اجتمعوا على ان ينفعوك بشيء لن ينفعوك الا بشيء كتبه كتبه كتبه الله لك "
يعني ركزوا معاي على كلمة كتبه الله لك .
توكلنا على الله ولاحول ولاقوة الا بالله والله اكبر .
صبرا جميلا ما اقرب الفرج من راقب الله في الامور نجا
من صـدق الله لم ينـله اذى ومن رجاه يكـون حيـث رجا
كلمة راس لبعض الاخوات ◕‿◕✿ :
* ترى ابليس شاد الهمه ويقول لا مابيطلع اسمك لانك سويتي ولا لانك عصيتي الله .... الحل : قومي صلي ركعتين واستغفري
وقولي ربي يقبل توبة العبد مالم يغرغر يعني تنقطع منه الروح .. فليه جالسه يالحبيبه يالله قومي وخلي ابليس يبكي قهر لانك سجدتي لله وماقطعتي امل من رحمته
* بيوسوس لك الشيطان ويقول شوفي فلانه اقل منك ولاجمال ولاتقدير وتعينت وانتي لاء ... الحل : قولي سبحان الله مقسم الارزاق
وربي كريم والي تفضل عليها بهالشي قادر يعطيني الي افضل منهويقر عيني وبيعطيني لحد مايرضيني ولاحد بالكون قادر على هالشي غير ربي .
* قدر الله وماظهر اسمك وانتي صليتي مثل ماقلت لك ودعيتي واستغفرتي ربي ... حظك لانك طحتي على كنز .. الشيطان بيقول شفتي قلت لك ربي ماراح يرضى عنك ,, وليه
ياعمري ليه يالغاليه هل ابليس مستشار رسمي لربي يطلع على اسماء المغفور لهم والي ماغفر لهم ربي ,, لو فكرتي فيها شوي تعرفين ان ربي يحبك لانه اصابك بمصيبه والله تعالى يعاقب ليؤدب لا ليعذب
واعترف قدامكم واقولها انا طلع اسمي قبل العام واستبعدت هل قلت خلاص مابصلي مابدعي مابصوم
ولله الحمد والفضل والمنه زادت علاقتي بربي وعرفت اني اسأت الادب مع الله واعتذرت وقومت نفسي دينيا ودنيوياً ويكفي الراحه والطمأنينه الي كنت غافله عنها
فعلا ... الا بذكر الله تطمئن القلوب .
* حبيبتي ماكتب لك ربي الترشيح وحالتك الماديه زفت وانتي بحاجة هالوظيفه ودعيتي واستغفرتي وطرقتي كل باب للخير بس عشان يرضى ربي عنك
ايهما تفضلين رضى الله عنك والراحه والسعاده ام الوظيفه وقلة البركه من مالها والضيق والهم من كثر التفكير بمتطلبات المديره والسواق ... الخ
* ايهما احب الى قلبك ان تكوني ممن قال فيهم تعالى ربنا اتنا في الدنيا ومالهم في الآخرة من خلاق ؟!
ام من يقولون ربنا اتنا في الدنيا حسنة وفي الاخرة حسنه وقنا عذاب النار وتكوني بذلك كسبتي خيري الدنيا والآخره .
* يوم من الايام مريتي على طفل صغير في عز الظهر ولقيتيه يبكي ويطلب امه ماء وهي في يدها كاس مويه باااااااارد ؟
تتوقعون بتسقيه ولا بتشربه كله بلحالها ؟
اعتقد وصلت الفكره من زرع الرحمه في قلب الام الم نفكر يوماً كيف هي رحمته بنا ؟!
•••••••
الكلام الي كتبته لي ولكم وماانزه نفسي على الله لاني بشر وعندي اخطاء بس ماراح ايأس او اقنط من رحمة ربي ,, والخيل الاصيله هي التي تشد في
آخر السباق وتجتهد لعلها تدرك الوصول او تفوز وتصل , لاتقولون مافيه وقت وش عرفك ان الارقام خلاص نزلت الى اليوم مجرد تخمينات .
ادعي ربي افتحي معه صفحه جديده في هالوقت تذكري ان عندنا رب رحيم لايطرد من رفع يده وطلبه وقال ربي .. اطردي ابليس توجهي لله توكلي عليه
حتى لو دوبك مسوية معصيه لاتقنطين من رحمة الله استغفري استغفري اطلبي الله الرحمه باب الله مفتوح والله يحب العبد الي يسأله .
قوموا نشحذ ربي نطلبه نبكي له نقول له عن مافي خطرنا نوعده اننا بنصير احسن ,, استغرب كيف نسوم وجهنا لفلان ولاعن ,, ومانسوم وجيها ونشحذ ربي
ونطلبه ونرجوه ترانا مساكين فقراء مانسوى عند ربي شي ولاجناج بعوضه يعني ربي لاهو في حاجة دعائي ولادعائك .. كل عمل ابن آدم له ..
وربي مايبي منا شي احنا الي نبي منه .. يالله شمروا ايديكم وضو وصلوا واطلبوا الله استغفروه ادعوه بيقين وثقه وعزيمه على ترك مايغضبه .
قال صلى الله عليه وسلم : " عجب ربنا من قنوط عباده وقرب غِيَره ؛ ينظر إليكم أزلين قنطين ، فيظل يضحك ؛ يعلم أن فرجكم قريب " حديث حسن
" سأل رجل رسول الله صلى الله عليه وسلم : أو يضحك ربنا ؟ قال : نعم . قال: لن نعدم من ربٍ يضحك خيراً" . رواه الإمام أحمد وابن ماجه ، وصححه الألباني في سلسلة الأحاديث الصحيحة .
ربنا يضحك ,, الله خالق الخلق مدبر الكون جباااااااااااااااااااااار السموات والارض يضحك ,, رب يضحك فكري معي ايهما اقرب لنا رحمته ام عذابه ؟
همسه اخيره من ♥ الى ♥ :
✿ ظهر اسمك ولله الحمد بالترشيحات ؟ فكرتي بعد مارزقك ربي كيف راح تقوين علاقتك بالله وتشكرينه .
✿ لم يظهر اسمك بالترشيحات هل تيأسي وتغلقي الابواب ؟ هل ستشكين في رحمة الله وعدله ؟ هل ستنقطعين عن العبادة ؟!
هالاسئله كل وحده تجاوبها بينها وبين نفسها ◡‿◡✿
وصدقوني ترانا من تراب واخرتنا لتراب ... والترشيح الاعظم هو الي اذا وقفنا بين يدين جبار السموات والارض ولاندري اسنذهب الى جنة ام نار ؟!
ساعتها بيكون الغبن الحقيقي والحسره على كل دقيقه لم نستغلها لذكر الله او صوم او صدقه ولو بابتسامه .
غفر الله لي ولكم ولوالدينا ولجميع المسلمين ❤
ولرب نازلة يضيق بها الفتــى ذرعا و عند الله منها المخرج
ضاقت فلما استحكمت حلقاتها فرجت، وكنت أظنها لا تفرج!</B></I>
منقول لروعتة وعذوبة الفاضه
ولا هميته
لا ارجو الا نفعكن اخواتي في الله
وان تذكروني ومن احب بدعواتكم الصالحات بظهر الغيب
احــــــــــ :26:ــــــــــبكم
لاعدمتك ...