~~ لهذا السبب فقدت الأمل بالـــــــــــــــــــــزواج للأبد ~~

السلام عليكم ورحمة الله




كل بنت بهالدنيا اكيد تتمنى انها بيوم تتزوج وتنجب وتصير عندها اسرة صغيرة تكون هي سيدتها




في بنات مرتاحات من صغرها عارفة من زوجها خاصة عند العوايل اللي تحجز بنت العم لولد العم


او يكون عندها عيال خوال


او معارف كثار


لكن البنت اللي ماعندها عيال عم ولا عيال خوال واهلها قليلين جدااا وغير اجتماعيين

وماحد يشوفها ولا يدري عنها

لا تطلع ولا تجي

ومحد سمع عنهم ابد

ابوها متوفي واخوانها اطفال او ماعندها اخوان وامها اجنبية من دولة ثانية

ولا صديقات ولا زميلات

تتوقعون خلاص تفقد الامل لهذا السبب ( ان مافي احد بالدنيا يعرفها ) رغم ماتتمتع فيه من مواصفات جمالية واخلاق وعلم وادب وسنع

ولا بيظل عندها بصيص امل ان احد يطيح عليها من الشجرة اللي ورا بيتهم

اعتقد هالبنت فرص الزواج بحياتها تكاد تكون معدووومه والمفروض ماتفكر فيه ابد
لان من وين احد بيجيها واصلا هي مثل اللي غير موجودة بالحياة


هل عندكم نصايح لها ؟؟ ولا تعيش حياتها وحيدة وتموت وحيدة بعد ان بدأ العمر يتقدم فيها وقربت من الثلاثين ونادر احد يجي لبنت بعد هالعمر الكبير ومن وين اصلا بيجي !