لهذه الاسباب افكر جديا في الطلاق

بسم الله الرحمن الرحيم
احل الله الطلاق عندما تستحيل العشره ...عندما يكون الفراق ضروره لابد منها
وانا لا استطيع ان اتصور ان امضي ما بقي لي من الحياه مع هذا الشخص الذي تجمعت فيه الكثير والكثير من الماسي التي انستني الحياه وحلاوتها...انا بعيده عن الحياه ...بعيده عن الراحه ...بعيده عن السعاده...
حملني ما لا طاقه لي به ....
لم اسمع بمثله من قبل...
هل تريدون ان تعرفوا الاسباب؟؟؟ حسنا
لكني انشدكم بالذي يسألكم يوم العرض الاكبر ان كان ما اعانيه"عادي " او ان هناك انسان قد اجتمعت فيه كل هذا الساويء.
قبل لا ابدأ احب اقول ان اسلوب المواجهه مع زوجي ما ينفع...لانه يمارس اساليبه مع سبق الاصرار والترصد...ينكر ويصعد الامور ويقلبها علي ولا اخذ منه لا حق ولا باطل..


زوجي منذ ان تزوجته سعادتي وراحه بالي تزعجه بشكل كبير...يعني طول ما انا مبسوطه هو محطم...سعادتي...ضحكتي تحطمه...وطول ما انا متضايقه تلاقيه فرحان ...شويه ويرقص من الفرح..
ست سنوات زواج وكل سنه تكرهني فيه اكثر...زوجي يحب يحكم كل شي في حياتي:
سبب لي الكثير من المشاكل مع الناس ...يعطيهم فكره اني مريضه نفسيا.. ومجنونه..
يتصرف معي بمنتهي الانحطاط وقدام اهلي عليه اسلوب ما يخر المويه ..الله يهد حيله...خلاص صار اهلي ما يصدقوني وهو مبسوط وهو شايفني معزوله ما لي احد.
زوجي الله ياخذه يحرض اطفالي علي ...يكره اطفالي في ...يفتعل المواقف اللي بعدين اكتشفت اساليبه اللي تطلعني سيئه وهو الضعيف المسكين...لو تركت عنده العيال لو ساعه ..ارجع وهم يصرخون في وجهي ...انهم ما يحبوني واني سيئه وانهم يحبون بابا...حذرته اكثر من مره ان هذا يحطمهم وانه ما راح يكسب شي لو صاروا معقدين ...لكنه كالعاده وفي كل مره اواجه ينكر ويتهمني اني مجنونه,
زوجي يفرض علي حصار من كل اتجاه ما ادري الين وين يبغى يوصل.
اول زواجنا ما كنت اعرف هو ليه يتصرف كذا...
يعني انا لو اتزين له ما ينبسط ...لا يتضايق ...يروح هو يستحم ويتعطر على قوله ما فيه احسن من حد...متخذني مثل الطبينه.
زوجي ينام في غرفه وانا في غرفه من اول زواجنا ...ولما سألته قال اني اشخر...طيب ليه شال ملابسه للغرفه الثانيه...طيب ليه حتى فتره القيلوله تكون في الغرفه الثانيه مع اني ما اقيل معه؟؟
زوجي يهجرني في الفراش بالشهور ...ولا يسأل في ...يكتفي بالاحتلام..
زوجي يقول لي في وجهي اني لا يمكن اذله بالفراش وهو يعرف بينه وبين نفسه اني بحياتي معه ما عمر ي فكرت استخدم هذا الاسلوب..
يمكن تقولوا لي تزيني له:
اولا زوجي ما يصرف علي ...وفين وفين لو سمع لي واعطاني القليل وبطريقه مهينه جارحه..
لو شاف اني تزينت وانبسطت من هذا المبلغ البسيط يتكدر خاطره حتى لو شكرته وكبرت براسه ...لازم هو اللي يكون الاحلى والاجمل...
زوجي ينتقدني بطريقه جارحه حتى في الفراش ...
زوجي يفتعل المشاكل عشان يشوفني متكدره ...لو يشوفني مع عيالي مبسوطه تلاقه يخبط الابواب ويصارخ لاتفه الاسباب ...ويضطهد العيال لانهم جلسوا معي..
زوجي بمجرد ما احد يضحك له من الناس...يصير يزيد في اسلوبه الجارح معي.
زوجي بمجر ما ينجح في اي شي يجي ويتكبر علي انا اللي واقفه معه.
زوجي يكذب بدون سبب...
اهلي يبغوا الطلاق عشان اتوظف وياخذوا الراتب...
ليه ما اتوظف واعتمد على نفسي؟
اولا لاني خارج البلاد...
ثانيا ما اتوقع ان الراتب راح يحل مشاكلي بل على العكس راح تتعقد ...لانه ما عنده ضمير...
زوجي سخيف لابعد حد...يتعامل مع غيره بالذله ..يعني بمجرد ما يتعرف على شخص يبدا يلف حوله الين يعتمد عليه او يمسك عليه ذله.
زوجي.. نعيش في نفس البيت من الشغل لغرفته ومن الغرفه للشغل ما يدري عنا..اخاف اموت وما يدري عني الين تفوح جثتي ...والله انه يمر اليوم واليومين والثلاثه ما يشوف عياله الاباصدفه....
ليه بابو فلان هذا الحال ..انت منت مسؤل عنا ؟قدام الله وقدام الناس؟...يجاوب ..والله اللي يبغاني يجيلي...
يعني عياله( اكبرهم اربع سنوات) اللي ما يروح له لا يمكن يتنازل ويجيه..
يا ناس يا عالم اللي انا فيه حلم واالا علم
اللي انا فيه عادي واللا جنون
لا تقولوا احد يكلمه:
اولا انا بغربه..
ثانيا اهله ما يبغوني ...يعني الطلاق ساعه المنا لو لي من عشره عيال...
ثالثا: اهلى ما صاروا يصدقوني ...والطلاق يصب في مصالحهم.
ثالثا لانه كذاب ..قدام الناس يبكي وينكر...تصوروا رجال يبكي كذب...
زوجي ما فيه شي يردعه: ما يعرف حلال حرام عيب ما يصير هذي ما هي في قواميسه...يسوي الشي لانه يبغى يسويه...ما سوي الشي لانه ما يبغى.
عمره من يوم تزوجنا ما تعبد بقرأه القران...لو شغلت القران في البيت معناها اني ممسوسه...ويدعيلي بالشفا...
اي تصرف ممكن يخطر على بال من الاهانه والتجريح امام الملأ...
يا اخوات انا في هم وعذاب ...
احس اني في كابويس نفسي الاقي اللي يصحيني
انا في بلد مفتوح معرضه للفتنه...وزوجي يجلد فيني ...
ما ادري ايش اللي يروي ساديته
ما ادري متى هذا الوضع ينتهي ..

كل الاسباب اللي ذكرت تخليني افكر جديا اني اطلب الطلاق